ഭൂപൻ ഹസാരികയ്ക്ക് ലഭിച്ച ഭാരതരത്ന സ്വീകരിക്കുമെന്ന് ഹസാരികയുടെ മകൻ
ന്യൂഡൽഹി: ഗായകനും സംഗീതജ്ഞനുമായിരുന്ന ഭൂപൻ ഹസാരികയ്ക്ക് ലഭിച്ച പരമോന്നത ബഹുമാതിയായ ഭാരതരത്ന നിരസിക്കാനുള്ള തീരുമാനം പിൻവലിച്ച് അദ്ദേഹത്തിന്റെ കുടുംബം. പിതാവിനും അദ്ദേഹത്തിന്റെ ആരാധകർക്കും വേണ്ടി ബഹുമതി സ്വീകരിക്കാൻ തയാറാണെന്ന് ഹസാരികയുടെ മകൻ തേജ് ഹസാരിക അറിയിച്ചു. നേരത്തെ, അസം പൗരത്വ ബിൽ വിഷയത്തിലെ കേന്ദ്ര നിലപാടിലുള്ള പ്രതിഷേധ സൂചകമായാണ് ബഹുമതി നിരസിക്കാൻ ഹസാരികയുടെ കുടുംബം തീരുമാനിച്ചത്. എന്നാൽ, ഈ തീരുമാനം പുനഃപരിശോധിക്കണമെന്ന് വ്യാപകമായി അഭിപ്രായമുയർന്നിരുന്നു. ഈ സാഹചര്യത്തിലാണ് ബഹുമതി സ്വീകരിക്കുമെന്ന് ഹസാരികയുടെ മകൻ അറിയിച്ചത്.