യുവതി പ്രവേശനത്തിനെതിരായ പോരാട്ടം തുടരുമെന്ന് എന്‍എസ്എസ്
പെരുന്ന: ശബരിമലയിലെ യുവതി പ്രവേശനത്തിനെതിരായ പോരാട്ടം തുടരുമെന്ന് എന്‍എസ്എസ് ജനറല്‍ സെക്രട്ടറി ജി.സുകുമാരന്‍ നായര്‍. യുവതി പ്രവേശനം സംബന്ധിച്ച കേസ് 22ന് സുപ്രീംകോടതി വീണ്ടും പരിഗണിക്കുന്നുണ്ട്. യുവതികള്‍ കയറിയെന്നത് കേസിനെ ബാധിക്കില്ലെന്നും അദ്ദേഹം പറഞ്ഞു. പെരുന്നയില്‍ മന്നം ജയന്തി സമ്മേളനത്തില്‍ സംസാരിക്കുകയായിരുന്നു അദ്ദേഹം.
അതേസമയം വിധി എതിരായാല്‍ യുവതി പ്രവേശനം സംബന്ധിച്ച് ഓര്‍ഡിനന്‍സ് ഇറക്കാന്‍ കേന്ദ്രസര്‍ക്കാരിനെ സമീപിക്കുമെന്നും സുകുമാരന്‍ നായര്‍ വ്യക്തമാക്കി.
അതേപോലെ ശബരിമലയില്‍ യുവതികള്‍ ദര്‍ശനം നടത്തിയതിന് പിന്നാലെ നടയടച്ച് ശുദ്ധികലശം നടത്തിയതിന് തന്ത്രി കുടുംബത്തിനും പന്തളം കൊട്ടാരത്തിനും നന്ദി അറിയിക്കുന്നതായും അദ്ദേഹം പറഞ്ഞു. ഈ വാക്കുകളെ ശരണം വിളികളോടെയും നിറഞ്ഞ കയ്യടികളോടെയുമാണ് പ്രവര്‍ത്തകര്‍ സ്വാഗതം ചെയ്തത്.