‘ദ കേരള സ്റ്റോറി’ എന്ന സിനിമക്ക് പ്രദര്ശനാനുമതി നല്കരുതെന്ന് പ്രതിപക്ഷ നേതാവ്
കൊച്ചി : സമൂഹത്തില് ഭിന്നിപ്പ് സൃഷ്ടിക്കുന്ന സംഘപരിവാര് അജണ്ട പ്രചരിപ്പിക്കുന്ന ‘ദ കേരള സ്റ്റോറി’ എന്ന സിനിമക്ക് പ്രദര്ശനാനുമതി നല്കരുതെന്ന് പ്രതിപക്ഷ നേതാവ് വി ഡി സതീശന് ആവശ്യപ്പെട്ടത്.
കേരളത്തിലെ 32,000 സ്ത്രീകളെ മതം മാറ്റി ഇസ്ലാമിക് സ്റ്റേറ്റില് അംഗങ്ങളാക്കിയെന്ന പച്ചക്കള്ളമാണു സിനിമ പറയുന്നത്. ഇത് ആവിഷ്കാര സ്വാതന്ത്ര്യത്തിന്റെ പ്രശ്നമല്ലെന്ന് വി ഡി സതീശന് ഫേസ് ബുക്കില് കുറിച്ചു.
രാജ്യാന്തര തലത്തില് കേരളത്തെ അപമാനിക്കാനും അപകീര്ത്തിപ്പെടുത്താനുമാണ് സിനിമ ശ്രമിക്കുന്നതെന്ന് വ്യക്തം. രാഷ്ട്രീയ ലാഭം മാത്രം ലക്ഷ്യമിട്ട് മോദി വിതച്ച വിഭാഗീയതയുടെ വിത്തുകള് മുളപ്പിച്ചെടുക്കാനുള്ള അജണ്ടയുടെ ഭാഗമാണിത്. മതസ്പര്ധയും ശത്രുതയും വളര്ത്താനുള്ള ബോധപൂര്വമായ നീക്കത്തെ കേരളം ഒറ്റക്കെട്ടായി എതിര്ക്കും. മനുഷ്യനെ മതത്തിന്റെ പേരില് വേര്തിരിക്കാനുള്ള അങ്ങേയറ്റം ആപത്കരമായ നീക്കത്തിന്റെ അടിവേര് വെട്ടണം. മാനവികത എന്ന വാക്കിന്റെ അര്ത്ഥം സംഘപരിവാറിന് ഒരിക്കലും മനസിലാകില്ല. വര്ഗീയതയുടെ വിഷംചീറ്റി കേരളത്തെ ഭിന്നിപ്പിക്കാമെന്ന് കരുതേണ്ടെന്നും സതീശന് കുറിച്ചു.