സുല്‍ത്താന്‍പുരി കാര്‍ അപകടക്കേസ്‌: അഞ്ജലിയുടെ സുഹൃത്ത്‌ നിധി മയക്കുമരുന്ന് കള്ളക്കടത്ത് കേസില്‍ പിടിയില്‍
ന്യൂഡല്‍ഹി : പുതുവര്‍ഷ ദിനത്തില്‍ രാജ്യത്തെ നടുക്കിയ സുല്‍ത്താന്‍പുരി കാര്‍ അപകടകേസിലെ ദൃക്‌സാക്ഷിയും അഞ്ജലിയുടെ സുഹൃത്തുമായ നിധി മയക്കുമരുന്ന് കള്ളക്കടത്ത് കേസില്‍ അറസ്റ്റിലായിരുന്നതായി റിപ്പോര്‍ട്ട്.
2020ലാണ് നിധി രണ്ട് ആണ്‍സുഹൃത്തുക്കള്‍ക്കൊപ്പം പൊലീസിന്റെ പിടിയിലായത്.
2020 ഡിസംബര്‍ 6 ന് ആഗ്രയിലെ ഗവണ്‍മെന്റ് റെയില്‍വേ പൊലീസ് നിധിനേയും കൂട്ടാളികളായ സമീറിനെയും രവികുമാറിനെയും 30 കിലോ കഞ്ചാവുമായാണ് അറസ്റ്റ് ചെയ്തത്. ജയിലിലായ ഇവര്‍ ഇപ്പോള്‍ ജാമ്യത്തിലാണ്. നാര്‍ക്കോട്ടിക് ഡ്രഗ്‌സ് ആന്‍ഡ് സൈക്കോട്രോപിക് സബ്സ്റ്റന്‍സസ് ആക്ട് പ്രകാരമാണ് ഇവര്‍ അറസ്റ്റിലായത്. കേസില്‍ നിധിയാണ് മുഖ്യ പ്രതി.