കരിപ്പൂര് വിമാനത്താവളത്തില് വിദേശ വനിത പീഡിപ്പിക്കപ്പെട്ടെതായി പരാതി
കോഴിക്കോട് : കരിപ്പൂര് വിമാനത്താവളത്തില് വിദേശ വനിത പീഡിപ്പിക്കപ്പെട്ടെതായി പരാതി.
സംഭവത്തില് കോഴിക്കോട് ടൗണ് പോലീസ് കേസെടുത്തു. കരിപ്പൂരിലെത്തിയ കൊറിയന് വനിതയാണ് പീഡിപ്പിക്കപ്പെട്ടത്. കോഴിക്കോട് മെഡിക്കല് കോളേജിലെ ഡോക്ടറോടാണ് യുവതി പീഡിപ്പിക്കപ്പെട്ടതായി വെളിപ്പെടുത്തിയത്. തുടര്ന്ന് ഡോക്ടര് പോലീസില് അറിയിക്കുകയായിരുന്നു.
രണ്ട് ദിവസം മുമ്പാണ് മതിയായ യാത്രാ രേഖകളില്ലാതെ കരിപ്പൂര് വിമാനത്താവളത്തില് യുവതി പിടിയിലാകുന്നത്. വിമാനത്താവളത്തിലെ സുരക്ഷാ സേന ഇവരെ പോലീസിന് കൈമാറി വൈദ്യപരിശോധനക്ക് മെഡിക്കല് കോളേജിലെത്തിച്ചപ്പോഴാണ് യുവതി, താന് കരിപ്പൂരില് വെച്ച് പീഡിപ്പിക്കപ്പെട്ടെന്ന് ഡോക്ടറോട് വെളിപ്പെടുത്തിയത്.
ഡോക്ടറുടെ മൊഴിയുടെ അടിസ്ഥാനത്തിലാണ് പോലീസ് കേസെടുത്തത്. പരാതിയില് കൂടുതല് അന്വേഷണം ആവശ്യമെന്ന് പൊലീസ് വ്യക്തമാക്കി. യുവതിയുടെ രഹസ്യ മൊഴി രേഖപ്പെടുത്തും.