ആക്രമിക്കപ്പെട്ട നടിയെ യുഡിഎഫ് ഉപയോഗിക്കുന്നോ എന്ന് സംശയമുണ്ടെന്ന് ഇ പി ജയരാജന്
തൃക്കാക്കര: തൃക്കാക്കര ഉപതിരഞ്ഞെടുപ്പില് ആക്രമിക്കപ്പെട്ട നടിയെ യുഡിഎഫ് ഉപയോഗിക്കുന്നോ എന്ന് സംശയമുണ്ടെന്ന് എല്ഡിഎഫ് കണ്വീനര് ഇ പി ജയരാജന്.
‘തിരഞ്ഞെടുപ്പുകളില് എന്ത് വൃത്തികെട്ട രാഷ്ട്രീയം കളിക്കാനും യുഡിഎഫ് മടിക്കില്ല. ഇക്കാര്യം പരിശോധിക്കേണ്ടതാണ്. ദിലീപുമായി അവിശുദ്ധ ബന്ധമുള്ളത് ആര്ക്കാണെന്ന് ജനത്തിനറിയാം. സര്ക്കാരിന് ഇക്കാര്യത്തില് മറ്റ് ലക്ഷ്യങ്ങളില്ല. അതിജീവിതയ്ക്ക് കോടതിയെ സമീപിക്കാന് അവകാശമുണ്ട്. എന്നാല് പ്രതികളെ രക്ഷിക്കാന് സര്ക്കാര് ഒരു വഴിവിട്ട ഇടപെടലും നടത്തിയിട്ടില്ല. സര്ക്കാര് എന്നും ഇരയ്ക്കൊപ്പമാണ്’ എല് ഡി എഫ് കണ്വീനര് വ്യക്തമാക്കി.