രാജ്യത്ത് 2,55,874 പുതിയ കോവിഡ് കേസുകള് റിപ്പോര്ട്ട് ചെയ്തു
ന്യൂഡല്ഹി: രാജ്യത്ത് 2,55,874 പുതിയ കോവിഡ് കേസുകള് റിപ്പോര്ട്ട് ചെയ്തു. കഴിഞ്ഞ ദിവസത്തെ അപേക്ഷിച്ച് 16.39 ശതമാനം കുറവാണ് കോവിഡ് രോഗികളുടെ എണ്ണത്തില് ഉണ്ടായിട്ടുള്ളത്. 3.06 ലക്ഷം കേസുകളാണ് കഴിഞ്ഞ ദിവസം റിപ്പോര്ട്ട് ചെയ്തത്. ഇതോടെ രാജ്യത്ത് കോവിഡ് ബാധിച്ച് ചികിത്സയില് കഴിയുന്നവരുടെ എണ്ണം 22,36,842 ആയി.
439 മരണങ്ങളും പുതുതായി റിപ്പോര്ട്ട് ചെയ്തു. ഇതോടെ ആകെ കോവിഡ് ബാധിച്ച് മരിച്ചവരുടെ എണ്ണം രാജ്യത്ത് 4,89,848 ആയി ഉയര്ന്നു. അതേസമയം രാജ്യത്തെ രോഗമുക്തി നിരക്ക് 93.15 ആയി ഉയര്ന്നു. 162.92 കോടി ഡോസ് വാക്സിനാണ് രാജ്യത്ത് ഇതുവരെ നല്കിയത്.
രോഗികളുടെ എണ്ണം ഏറ്റവും ഉയര്ന്നു നിന്നിരുന്ന സംസ്ഥാനമായ മഹാരാഷ്ട്രയില് രോഗികളുടെ എണ്ണത്തില് ഗണ്യമായ കുറവുണ്ടായിട്ടുണ്ട്.