പഞ്ചാബില് വരുന്ന നിയമസഭാ തിരഞ്ഞെടുപ്പില് മത്സരിക്കുമെന്ന് കര്ഷക സംഘടനകള്
ന്യൂഡല്ഹി : പഞ്ചാബില് വരുന്ന നിയമസഭാ തിരഞ്ഞെടുപ്പില് മത്സരിക്കുമെന്ന് കര്ഷക സംഘടനകള്.
സംയുക്ത സമാജ് മോര്ച്ച എന്ന പാര്ട്ടിയുടെ പേരിലാകും മത്സരം. ബല്ബീര് സിംഗ് രജേവാളാകും പാര്ട്ടിയെ നയിക്കുകയെന്നും സംഘടനകള് അറിയിച്ചു.
നിയമസഭാ തിരഞ്ഞെടുപ്പില് 117 സീറ്റിലും മത്സരിക്കാനാണ് തീരുമാനം. ആം ആദ്മി പാര്ട്ടിയുമായി സഖ്യ സാദ്ധ്യതയും സംഘടനകള് തള്ളിക്കളയുന്നില്ല. 22 കര്ഷകസംഘടനകളാണ് സംയുക്ത സമാജ് മോര്ച്ചയിലെ അംഗങ്ങള്.
ഒരു വര്ഷത്തിലധികം നീണ്ട കര്ഷകസമരത്തെ തുടര്ന്ന് കേന്ദ്ര സര്ക്കാര് പുതിയ കാര്ഷിക നിയമം പിന്വലിച്ചിരുന്നു.
അതിനിടെ കാര്ഷിക നിയമങ്ങള് വീണ്ടും കൊണ്ടുവരില്ലെന്ന് പറയാനാകില്ലെന്ന് കേന്ദ്ര കൃഷിമന്ത്രി നരേന്ദ്ര സിംഗ് തോമര് ഇന്ന് പറഞ്ഞിരുന്നു. നിയമങ്ങള് പിന്വലിച്ചതില് സര്ക്കാരിന് നിരാശയില്ല. തല്ക്കാലം ഒരടി പിന്നോട്ട് വച്ചു. വീണ്ടും മുന്പോട്ട് വരുമെന്നും നരേന്ദ്ര സിംഗ് തോമര് കൂട്ടിച്ചേര്ത്തു.