ആശ്രിത നിയമനം റദ്ദാക്കിയതിനെതിരേ സംസ്ഥാന സര്ക്കാര് സുപ്രീം കോടതിയില്
ന്യൂഡല്ഹി : ചെങ്ങന്നൂര് മുന് എംഎല്എ കെ കെ രാമചന്ദ്രന് നായരുടെ മകന്റെ ആശ്രിത നിയമനം റദ്ദാക്കിയതിനെതിരേ സംസ്ഥാന സര്ക്കാര് സുപ്രീം കോടതിയില്. പൊതു താത്പര്യ ഹര്ജിയില് നിയമനം റദ്ദാക്കാന് ഹൈകോടതിക്ക് അധികാരമില്ലെന്ന് ചൂണ്ടിക്കാട്ടിയാണ് കേരളം പരമോന്നത കോടതിയെ സമീപിച്ചിരിക്കുന്നത്. നിയമനത്തിനായി പ്രത്യേക തസ്തിക രൂപീകരിക്കാന് മന്ത്രിസഭക്ക് അധികാരമുണ്ടെന്നും ഹരജിയില് പറയുന്നു. നിയമനം റദ്ദാക്കി ഹൈക്കോടതി പുറപ്പടുവിച്ച ഉത്തരവ് അടിയന്തിരമായി സ്റ്റേ ചെയ്യണമെന്നും ഹരജിയിലുണ്ട്.
2018 ജനുവരിയിലാണ് അന്തരിച്ച മുന് എംഎല്എ കെ കെ രാമചന്ദ്രന് നായരുടെ മകന് ആര് പ്രശാന്തിന് പൊതു മരാമത്ത് വകുപ്പില് അസിസ്റ്റന്റ് എന്ജിനീയറുടെ പ്രത്യേക തസ്തിക സൃഷ്ടിച്ച് നിയമനം നല്കുവാന് സംസ്ഥാന മന്ത്രിസഭാ യോഗം തീരുമാനിച്ചത്. എന്നാല് നിയമനം ഭരണഘടനയുടെ 14, 16 അനുച്ഛേദങ്ങളുടെ ലംഘനം ആണെന്ന് ചൂണ്ടിക്കാട്ടി ഹൈക്കോടതി റദ്ദാക്കി. ഇതിന് എതിരെയാണ് ഇപ്പോള് സംസ്ഥാന സര്ക്കാര് സുപ്രീം കോടതിയെ സമീപിച്ചിരിക്കുന്നത്.