ഒമിക്രോണ്‍ ആന്ധ്രപ്രദേശിലും സ്ഥിരീകരിച്ചു
ഹൈദരാബാദ് : ആന്ധ്രപ്രദേശിലും ഒമിക്രോണ്‍ സ്ഥിരീകരിച്ചു.
അയര്‍ലണ്ട് സന്ദര്‍ശനം കഴിഞ്ഞെത്തിയ ആള്‍ക്കാണ് രോഗം സ്ഥിരീകരിച്ചിരിക്കുന്നത്. 37കാരനായ ഇയാള്‍ നവംബര്‍ 27നാണ് മുംബൈ വഴി വിശാഖപട്ടണത്തിലെത്തിയത്. ഇയാളെ ക്വാറന്റൈന്‍ ചെയ്തു . ഇതോടെ രാജ്യത്ത് ഒമിക്രോണ്‍ സ്ഥിരീകരിച്ചവരുടെ എണ്ണം 34 ആയി.
ഇന്നലെ ഡല്‍ഹിയില്‍ ഒരാള്‍ക്ക് ഒമിക്രോണ്‍ സ്ഥിരീകരിച്ചിരുന്നു. മഹാരാഷ്ട്ര, രാജസ്ഥാന്‍, ഗുജറാത്ത്, കര്‍ണാടക സംസ്ഥാനങ്ങളിലും ഒമിക്രോണ്‍ സ്ഥിരീകരിച്ചിട്ടുണ്ട്.