ന്യൂനപക്ഷ സ്കോളര്ഷിപ്പിലെ സുപ്രീംകോടതി നിലപാട് സര്ക്കാരിന് കനത്ത തിരിച്ചടി: കെ. സുരേന്ദ്രന്
തിരുവനന്തപുരം: ന്യൂനപക്ഷ സ്കോളര്ഷിപ്പിലെ 80:20 അനുപാതം റദ്ദാക്കിയ ഹൈക്കോടതി വിധി സ്റ്റേ ചെയ്യാത്ത സുപ്രീംകോടതി നിലപാട് സംസ്ഥാന സര്ക്കാരിന് കനത്ത തിരിച്ചടിയാണെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്.
സംസ്ഥാന സര്ക്കാരിന്റെ മതേതരത്വനിലപാട് പൊള്ളയാണെന്ന് ഹൈക്കോടതി വിധിക്കെതിരെ സര്ക്കാര് സുപ്രീംകോടതിയെ സമീപിച്ചതോടെ എല്ലാവര്ക്കും ബോദ്ധ്യമായി. മതമൗലികവാദികളുടെ സമ്മര്ദ്ദത്തിന് വഴങ്ങി ഒരു വിഭാഗത്തിനോട് പക്ഷപാതിത്വം കാണിച്ച സര്ക്കാര് തെറ്റുതിരുത്താന് തയ്യാറാവണമെന്നും സുരേന്ദ്രന് പറഞ്ഞു.