മുല്ലപ്പെരിയാര് അണക്കെട്ട് തുറന്നു
കുമളി: അണക്കെട്ടിന്റെ വൃഷ്ടിപ്രദേശത്ത് നീരൊഴുക്ക് വര്ധിച്ച് 138 അടി പിന്നിട്ടതോടെ മുല്ലപ്പെരിയാര് അണക്കെട്ട് തുറന്നു. വെള്ളിയാഴ്ച രാവിലെ 7.30-നാണ് അണക്കെട്ടിന്റെ ഒരു സ്പില്വേ ഷട്ടര് തുറന്നത്. തൊട്ടുപിന്നാലെ രണ്ടാമത്തെ ഷട്ടറും തുറന്നു.
മഴ ശക്തമായാല് ഇടുക്കി അണക്കെട്ടും വെള്ളിയാഴ്ച വൈകീട്ടോടെ തുറക്കാനാണ് സാധ്യത. അതിനുള്ള ഒരുക്കങ്ങളും പൂര്ത്തിയായിട്ടുണ്ട്. ഇടുക്കി അണക്കെട്ടിലെ ജലനിരപ്പ് 2398.32 അടി എത്തിയതോടെ റെഡ് അലര്ട്ട് നല്കി.
മുല്ലപ്പെരിയാര് തുറക്കുന്ന പശ്ചാത്തലത്തില് ജനങ്ങളുടെ ആശങ്കയകറ്റാന് എല്ലാ വകുപ്പുകളും ഒത്തുചേര്ന്നാണ് പ്രവര്ത്തിക്കുന്നത്. രണ്ടായിരത്തിലേറെ കുടുംബങ്ങളെയാണ് മാറ്റി പാര്പ്പിച്ചിരിക്കുന്നത്.