കെ പി സി സി ഭാരവാഹി പട്ടിക നാളെ പ്രഖ്യാപിക്കും
ന്യൂഡല്ഹി: വനിതകള്ക്കും യുവാക്കള്ക്കും അര്ഹമായ പ്രാതിനിധ്യം ഉറപ്പാക്കുന്ന കെ പി സി സി ഭാരവാഹി പട്ടിക ഞായറാഴ്ച പ്രഖ്യാപിക്കുമെന്ന് കേരളത്തിന്റെ ചുമതലയുള്ള എഐസിസി ജനറല് സെക്രടെറി താരിഖ് അന്വര്.
ഇതുസംബന്ധിച്ച് മുതിര്ന്ന നേതാക്കളായ ഉമ്മന്ചാണ്ടി, രമേശ് ചെന്നിത്തല എന്നിവരുമായി ചര്ച്ച നടത്തുമെന്നും താരിഖ് അന്വര് പറഞ്ഞു. ശനിയാഴ്ച രാത്രിയോടെ അന്തിമ ഭാരവാഹി പട്ടിക തയാറാകുമെന്നും ഞായറാഴ്ചയോടെ ഭാരവാഹികളെ പ്രഖ്യാപിക്കുമെന്നും താരിഖ് അന്വറുമായുള്ള കൂടിക്കാഴ്ചയ്ക്ക് പിന്നാലെ കെപിസിസി പ്രസിഡന്റ് കെ സുധാകരനും പറഞ്ഞു.
ജംബോ പട്ടിക ഉണ്ടാകില്ലെന്ന് തീരുമാനമെടുത്തിരുന്നതിനാല് 51 അംഗ ഭാരവാഹി പട്ടികയാകും പുറത്തിറക്കുക. നിലവില് എംഎല്എ, എംപിമാരായ ജനപ്രതിനിധികളെ പട്ടികയിലേക്ക് പരിഗണിക്കുന്നില്ലെന്നാണ് അറിയുന്നത്. വനിതാ പ്രാതിനിധ്യത്തിലേക്ക് മൂന്നുപേരുകളാണ് ഉയര്ന്നുകേള്ക്കുന്നത്. ബിന്ദു കൃഷ്ണ, പത്മജ വേണുഗോപാല്, സുമ ബാലകൃഷ്ണന് എന്നിവരെയാണ് പരിഗണിക്കുന്നത്.