കേരളത്തില് ഒക്ടോബര് നാലിന് കോളജുകള് തുറക്കും
തിരുവനന്തപുരം: ഒക്ടോബര് നാല് മുതല് ടെക്നിക്കല്/പോളി ടെക്നിക്ക്/മെഡിക്കല് വിദ്യാഭ്യാസം അടക്കമുള്ള ബിരുദ ബിരുദാനന്തര അവസാന വര്ഷ വിദ്യാര്ത്ഥികളേയും അധ്യാപകരേയും അനധ്യാപകരേയും ഉള്പ്പെടുത്തി എല്ലാ ഉന്നതവിദ്യാഭ്യാസം സ്ഥാപനങ്ങളും തുറന്ന് പ്രവര്ത്തിക്കാന് അനുമതി നല്കുമെന്ന് മുഖ്യമന്ത്രി വാര്ത്താ സമ്മേളനത്തില് പറഞ്ഞു.
ഒരു ഡോസ് വാക്സിനേഷനെങ്കിലും പൂര്ത്തിയാക്കിയ അധ്യാപകരേയും വിദ്യാര്ത്ഥികളേയും ഉള്ക്കൊള്ളിച്ചു കൊണ്ട് തുറന്നു പ്രവര്ത്തിക്കാന് അനുവദിക്കും. എന്നാല് ആരും ക്യാമ്ബസ് വിട്ടു പോകാന് പാടില്ലെന്നും ഇപ്പോള് തന്നെ ഇത്തരം സ്ഥാപനങ്ങള് തുറന്നു പ്രവര്ത്തിക്കാമെന്നും മുഖ്യമന്ത്രി വ്യക്തമാക്കി
കൂടാതെ റസിഡന്ഷ്യല് മാതൃകയില് പ്രവര്ത്തിക്കുന്ന 18 വയസിന് മുകളില് പ്രായമുള്ള പരിശീലക സ്ഥാപനങ്ങള് ഒരുഡോസ് വാക്സിനെങ്കിലും സ്വീകരിച്ച അധ്യാപകരേയും വിദ്യാര്ത്ഥികളേയും വച്ച് തുറക്കാം. ബയോബബിള് മാതൃകയില് വേണം തുറന്നു പ്രവര്ത്തിക്കാനെന്നും മുഖ്യമന്ത്രി നിര്ദേശിച്ചു.