കോവിഡ് മരുന്നുകളുടെ ആധികാരികത ഉറപ്പാക്കാന് മാര്ഗ്ഗനിര്ദ്ദേശങ്ങളുമായി കേന്ദ്രം
ന്യൂഡല്ഹി: അന്താരാഷ്ട്ര തലത്തില് വ്യാജ വാക്സിനുകള് ഇറങ്ങുന്ന സാഹചര്യത്തില് രാജ്യത്ത് കോവിഡ് മരുന്നുകളുടെ ആധികാരികത ഉറപ്പു വരുത്തുന്നതിനും തിരിച്ചറിയുന്നുതിനുമുള്ള മാര്ഗനിര്ദേശങ്ങളുമായി കേന്ദ്ര സര്ക്കാര്.
ഇന്ത്യയില് ഉത്പാദിപ്പിച്ച് കോവിഷീല്ഡ് വാക്സിന്റെ വ്യാജന് തെക്ക് കിഴക്കന് ഏഷ്യയിലും ആഫ്രിക്കയിലും വ്യാപിക്കുന്നതായി റിപ്പോര്ട്ടുകള് ഉണ്ടായിരുന്നു. ഇതു സംബന്ധിച്ച് ലോകാരോഗ്യ സംഘടനയും മുന്നറിയിപ്പു നല്കിയിട്ടുണ്ട്. ഈ സാഹചര്യത്തിലാണ് കേന്ദ്ര നടപടി.
വാക്സിനുകളുടെ ലേബല്, നിറം തുടങ്ങിയ സൂക്ഷ്മ വിവരങ്ങള് ഉള്പ്പടെയുള്ള വിവരങ്ങളാണ് കേന്ദ്രം സംസ്ഥാനങ്ങള്ക്കു കൈമാറിയിരിക്കുന്നത്. കോവിഷീല്ഡ്, കോവാക്സിന്, സ്പുട്നിക്-വി വാക്സിനുകളുടെ നിര്മാതാക്കളില് നിന്നുള്ള വിവരങ്ങള് കൂടി ഉള്പ്പെടുത്തിയാണ് കേന്ദ്ര ആരോഗ്യമന്ത്രാലയം സംസ്ഥാനങ്ങള്ക്ക് മാര്ഗനിര്ദേശം നല്കിയത്.