നാളെയും മറ്റന്നാളും സമ്പൂര്ണ ലോക്ക്ഡൗണ്
തിരുവനന്തപുരം: കോവിഡ് സ്ഥിരീകരണ നിരക്ക് (ടിപിആര്) കുറയ്ക്കുന്നതിന്റെ ഭാഗമായി നാളെയും മറ്റന്നാളും സംസ്ഥാനത്തു സമ്പൂര്ണ ലോക്ഡൗണ്.
അവശ്യ മേഖലയിലുള്ളവര്ക്കും ആരോഗ്യ സേവനങ്ങള്ക്കും മാത്രമാണു ശനിയും ഞായറും ഇളവുള്ളത്. നാളെയും മറ്റന്നാളും നടത്തുമെന്ന് അറിയിച്ചിരിക്കുന്ന പരീക്ഷകള്ക്കു മാറ്റമില്ല. തിങ്കളാഴ്ച മുതല് ഇളവുകള് തുടരും.
രണ്ട് ദിവസവും സ്വകാര്യ ബസ് ഇല്ല. കെഎസ്ആര്ടിസി പരിമിത സര്വീസുകള് നടത്തും. ബാങ്കുകളും ധനകാര്യ സ്ഥാപനങ്ങളും ഇനി തിങ്കളാഴ്ച തുറക്കും. ടിപിആര് ഉയര്ന്ന പ്രദേശങ്ങളില് ട്രിപ്പിള് ലോക്ഡൗണ് തുടരും.
അടുത്ത ചൊവ്വാഴ്ച നടക്കുന്ന കോവിഡ് അവലോകന യോഗത്തില് ലോക്ഡൗണ് പിന്വലിക്കുന്നതു സംബന്ധിച്ച തീരുമാനമുണ്ടായേക്കും.