ബ്രണ്ണന് വിവാദം സി.പി.എം അവസാനിപ്പിച്ചു
തിരുവനന്തപുരം:ബ്രണ്ണന് വിവാദം സി.പി.എം അവസാനിപ്പിച്ചു. കെപിസിസി അധ്യക്ഷന് കെ. സുധാരകന്റെ പ്രസ്താവനയോട് “അത് അവിടെ അവസാനിച്ചു”വെന്ന് സിപിഎം സംസ്ഥാന സെക്രട്ടറി എ. വിജയരാഘവന് പറഞ്ഞു.
സുധാകരന് പറഞ്ഞത് അദ്ദേഹത്തിന്റെ പദവിക്ക് ചേര്ന്നതല്ലെന്ന് പറഞ്ഞ വിജയരാഘവന് ഇനി അതേക്കുറിച്ചൊന്നും പ്രതികരിക്കാനില്ലെന്നും പറഞ്ഞു.
കേന്ദ്രസര്ക്കാരിനെ ന്യായീകരിക്കാനാണ് സംസ്ഥാനം ഇന്ധന നികുതി കുറക്കണം എന്ന് യുഡിഎഫ് ആവശ്യപ്പെടുന്നത്. കോണ്ഗ്രസ് ഭരിക്കുന്ന സംസ്ഥാനങ്ങളില് കേരളത്തിലേക്കാളും ഇന്ധനനികുതി ഈടാക്കുന്നുണ്ടെന്നും അദ്ദേഹം അഭിപ്രായപ്പെട്ടു.
കേന്ദ്ര സര്ക്കാരിന്റേത് സാധാരണക്കാരെ സഹായിക്കുന്ന സമീപനമല്ല. പെട്രോള് ഡീസല് വില ഏത് സമയവും നൂറ് കടക്കും. ഈ സാഹചര്യത്തില് ജൂണ് 30ന് വൈകുന്നേരം നാലിന് എല്ലാ പഞ്ചായത്ത് വാര്ഡുകളിലും എല്ഡിഎഫ് പ്രതിഷേധം സംഘടിപ്പിക്കും. 25,000 ത്തോളം കേന്ദ്രങ്ങളിലായാണ് പ്രതിഷേധം സംഘടിപ്പിക്കുന്നതെന്നും വിജയരാഘവന് കൂട്ടിച്ചേര്ത്തു.