വിധി നടപ്പാക്കാന്‍ ദേവസ്വം ബോര്‍ഡിനു സാവകാശം തേടാമെന്നു മുഖ്യമന്ത്രി
തിരുവനന്തപുരം: ശബരിമല യുവതീപ്രവേശം സംബന്ധിച്ച വിധി നടപ്പാക്കാന്‍ ദേവസ്വം ബോര്‍ഡിനു സാവകാശം തേടാമെന്നു മുഖ്യമന്ത്രി. രാജകുടുംബവും തന്ത്രിമാരുമായുള്ള ചര്‍ച്ചയിലാണു മുഖ്യമന്ത്രി നിലപാട് അറിയിച്ചത്. ഇക്കാര്യത്തില്‍ ദേവസ്വം ബോര്‍ഡിനു തീരുമാനമെടുക്കാമെന്നും മുഖ്യമന്ത്രി കൂട്ടിച്ചേര്‍ത്തു.
ചര്‍ച്ചയ്ക്കിടയില്‍ വിധി നടപ്പാക്കാന്‍ സാവകാശം തേടുന്നതു സംബന്ധിച്ച നിര്‍ദേശം ദേവസ്വം ബോര്‍ഡ് മുഖ്യമന്ത്രിയുടെ ശ്രദ്ധയില്‍പ്പെടുത്തി. ഇക്കാര്യം സര്‍ക്കാരിന്റെ പരിധിയില്‍ വരുന്ന വിഷയമല്ലെന്നും ബോര്‍ഡിനു തീരുമാനമെടുക്കാമെന്നും മുഖ്യമന്ത്രി അറിയിക്കുകയായിരുന്നു. ഈ നിര്‍ദേശം ചര്‍ച്ച ചെയ്യാന്‍ ദേവസ്വം ബോര്‍ഡ് യോഗം നാളെ യോഗം ചേരും. സാവകാശം തേടാമെന്ന അഭിപ്രായങ്ങള്‍ ഉയര്‍ന്നിട്ടുണ്ടെന്ന് ദേവസ്വം ബോര്‍ഡ് പ്രസിഡന്റ് എ. പത്മകുമാര്‍ പറഞ്ഞു