സമാധാനം പുനഃസ്ഥാപിക്കാന്‍ സി.പി.എം മുന്‍കൈയെടുക്കും: എം.വി ജയരാജന്‍
കണ്ണൂര്‍: കണ്ണൂര്‍ പെരിങ്ങത്തൂരില്‍ ലീഗ് ക്രിമിനലുകളുടെ അഴിഞ്ഞാട്ടമാണ് ഉണ്ടായതെന്ന് സി.പി.എം ജില്ലാ സെക്രട്ടറി എം.വി ജയരാജന്‍. സമാധാനം പുനഃസ്ഥാപിക്കാന്‍ സി.പി.എം മുന്‍കൈ എടുക്കുമെന്നും അദ്ദേഹം പറഞ്ഞു.
പെരിങ്ങത്തൂരില്‍ കഴിഞ്ഞ ദിവസം ആക്രമിക്കപ്പെട്ട സി.പി.എം ഓഫീസുകളും അനുഭാവികളുടെ കടകളും സന്ദര്‍ശിച്ചതിന് ശേഷം പ്രതികരിക്കുകയായിരുന്നു അദ്ദേഹം. എം.വി ജയരാജനൊപ്പം കൂത്തുപറമ്ബ് എല്‍.ഡി.എഫ് സ്ഥാനാര്‍ഥി കെ.പി മോഹനന്‍, സി.പി.എം മുന്‍ ജില്ലാ സെക്രട്ടറി പി.ജയരാജന്‍, പി.ഹരീന്ദ്രന്‍ തുടങ്ങിയവരും ഉണ്ടായിരുന്നു.