അനന്ത് കുമാറിന്റെ ഓർമ്മകൾക്ക് മുന്നിൽ പ്രണാമമർപ്പിച്ച് പ്രധാനമന്ത്രി
റായ്പുര്: അന്തരിച്ച കേന്ദ്രമന്ത്രി അനന്ത് കുമാറിന്റെ ഓർമ്മകൾക്ക് മുന്നിൽ പ്രണാമമർപ്പിച്ച് പ്രധാനമന്ത്രി നരേന്ദ്ര മോദി.സഹാനുഭൂതി,സഹവർത്തിത്വം,അനുകമ്പ എന്നീ മൂല്യങ്ങളെ ഉൾക്കൊണ്ടായിരുന്നു അനന്ത് കുമാറിന്റെ സാമൂഹ്യ സേവനങ്ങളെന്ന് പ്രധാനമന്ത്രി ഓർമ്മിച്ചു.
ചെറുപ്പകാലത്ത് തന്നെ പൊതുജീവിതത്തിലിറങ്ങിയ അദ്ദേഹം തന്റെ പ്രവൃത്തികളുടെ പേരിൽ എക്കാലവും ഓർമ്മിക്കപ്പെടും.വളരെ ആഴത്തിലുള്ള സൗഹൃദമായിരുന്നു തനിക്ക് അദ്ദേഹവുമായുള്ളത്.പല സുപ്രധാന ഘട്ടങ്ങളിലും പാർട്ടിയോട് ചേർന്ന് പ്രവർത്തിച്ച അദ്ദേഹം കർണാടകയിലും,മറ്റ് പ്രദേശങ്ങളിലും ബിജെപിയുടെ വളർച്ചയ്ക്ക് അസ്ഥിവാരമിടുന്നതിൽ പ്രധാന പങ്ക് വഹിച്ചു.എക്കാലവും നല്ല ഓർമ്മകൾ നൽകി കൂടെ നിന്ന് അദ്ദേഹത്തിന്റെ കുടുംബത്തിന്റെ വേദനയിൽ പങ്കു ചേരുന്നതിനൊപ്പം തന്റെ സുഹൃത്തിന്റെ ആത്മശാന്തിക്കായി പ്രാർത്ഥിക്കുന്നുവെന്നും മോദി ട്വിറ്ററിൽ കുറിച്ചു.