തിയറ്ററുകളില്‍ സെക്കന്‍ഡ് ഷോയ്ക്ക് അനുമതി
തിരുവനന്തപുരം: സംസ്ഥാനത്തെ തീയറ്ററുകളില്‍ സെക്കന്‍ഡ് ഷോയ്ക്ക് സിനിമ പ്രദര്‍ശിപ്പിക്കാന്‍ സര്‍ക്കാര്‍ അനുമതി നല്‍കി. തീയറ്ററുകളുടെ പ്രവര്‍ത്തന സമയം ഉച്ചയ്ക്ക് 12 മുതല്‍ അര്‍ധരാത്രി 12 വരെയാക്കി. നേരത്തെ ഇത് രാവിലെ ഒന്‍പത് മുതല്‍ രാത്രി ഒന്‍പത് വരെയായിരുന്നു. പ്രിന്‍സിപ്പല്‍ സെക്രട്ടറി എ. ജയതിലക് ആണ് ഇതു സംബന്ധിച്ച ഉത്തരവ് പുറത്തിറക്കിയത്
കോവിഡ് 19 വ്യാപിച്ചതിനെ തുര്‍ന്ന് ഏര്‍പ്പെടുത്തിയ ലോക്ക് ഡൌണ്‍ സമയത്ത് അടച്ചിട്ട തീയറ്ററുകള്‍ തുറന്നപ്പോള്‍ ഏര്‍പ്പെടുത്തിയ പ്രദര്‍ശന സമയ നിയന്ത്രണം മാറ്റാന്‍ കോവിഡ് കോര്‍ കമ്മിറ്റി സര്‍ക്കാരിനു നിര്‍ദേശം നല്‍കിയിരുന്നു. ഇതോടെയാണ് സര്‍ക്കാര്‍ സെക്കന്‍ഡ് ഷോയ്ക്ക് അനുമതി നല്‍കി ഇന്നു ഉത്തരവിറക്കിയത്.