ശനിയാഴ്ച കസ്റ്റംസ് ഓഫീസുകളിലേക്ക് എല്‍ ഡി എഫ് മാര്‍ച്ച്‌
തിരുവനന്തപുരം: ഡോളര്‍ കടത്ത് കേസില്‍ കസ്റ്റംസ് കോടതിയില്‍ കൊടുത്ത സത്യവാങ്മൂലത്തിനെതിരെ പ്രതിരോധം തീര്‍ക്കാനൊരുങ്ങി എല്‍ ഡി എഫ്. ഇതിന്റെ ഭാഗമായി ശനിയാഴ്ച തിരുവനന്തപുരം, കൊച്ചി, കോഴിക്കോട് എന്നിവിടങ്ങളിലെ കസ്റ്റംസ് മേഖലാ ഓഫീസുകളിലേക്ക് എല്‍ ഡി എഫ് മാര്‍ച്ച്‌ നടത്തുമെന്ന് മുന്നണി കണ്‍വീനര്‍ എ വിജയരാഘവന്‍ അറിയിച്ചു.
നിയമസഭാ തിരഞ്ഞെടുപ്പ് അടുത്ത വേളയില്‍ മുഖ്യമന്ത്രിയെയും എല്‍ ഡി എഫ് സര്‍ക്കാരിനെയും അപകീര്‍ത്തിപ്പെടുത്താനുളള രാഷ്ട്രീയ കളിയാണ് കസ്റ്റംസ് നടത്തുന്നതെന്ന് വിജയരാഘവന്‍ ആരോപിച്ചു. ജയിലില്‍ കിടക്കുന്ന ഒരു പ്രതിയുടെ മൊഴിയെ അടിസ്ഥാനമാക്കിയാണ് കസ്റ്റംസ് ഹൈക്കോടതിയില്‍ സത്യവാങ്മൂലം നല്‍കിയിരിക്കുന്നത്. ബി ജെ പിയുടെയും യു ഡി എഫിന്റെയും രാഷ്ട്രീയ പ്രചാരണം കസ്റ്റംസ് ഏറ്റെടുത്തിരിക്കുകയാണെന്നും വിജയരാഘവന്‍ പറഞ്ഞു.
എല്‍ ഡി എഫിനെ രാഷ്ട്രീയമായി പരാജയപ്പെടുത്താന്‍ കഴിയില്ലെന്ന് ബോദ്ധ്യമായപ്പോഴാണ് മ്ലേച്ഛമായ ഈ നീക്കം കസ്റ്റംസ് നടത്തുന്നത്