10 കര്ഷക സംഘടനകള് അഭിപ്രായം അറിയിച്ചെന്ന് സുപ്രീംകോടതി സമിതി
ന്യൂഡല്ഹി: സമരം ചെയ്യുന്ന നാനൂറോളം കര്ഷക യൂനിയനുകള് തള്ളിപ്പറഞ്ഞ സുപ്രീംകോടതി സമിതി കര്ഷകരുമായി നടത്തിയ ആദ്യ വിര്ച്വല് സിറ്റിങ്ങില് 10 കര്ഷക സംഘടനകള് അഭിപ്രായങ്ങള് അറിയിച്ചുവെന്ന് മൂന്നംഗ സമിതി വാര്ത്താ ഏജന്സിയെ അറിയിച്ചു. വിഡിയോ കോണ്ഫറന്സിലൂടെ ആശയവിനിമയം നടത്തിയ മൂന്നംഗ സമിതി കേന്ദ്രസര്ക്കാറിെന്റ വിവാദ നിയമങ്ങളെ കുറിച്ചുള്ള കാഴ്ചപ്പാട് അറിയിക്കാന് ആവശ്യപ്പെട്ടുവെന്നും ചര്ച്ചയില് പങ്കെടുത്ത 10 സംഘടനകള് തങ്ങളുടെ അഭിപ്രായങ്ങളും നിര്ദേശങ്ങളും സമര്പ്പിച്ചുവെന്നും സമിതി തുടര്ന്നു.
കേരളം, കര്ണാടക, മധ്യപ്രദേശ്, മഹാരാഷ്ട്ര, ഒഡിഷ, തെലങ്കാന, തമിഴ്നാട്, ഉത്തര്പ്രേദശ് എന്നീ സംസ്ഥാനങ്ങളിലുള്ള കര്ഷകരാണ് മൂന്ന് കര്ഷക നിയമങ്ങളെ കുറിച്ചുള്ള അഭിപ്രായങ്ങള് വിഡിയോ കോണ്ഫറന്സിലൂടെ അറിയിച്ചതെന്നും അവര് പറഞ്ഞു.