ധനമന്ത്രിക്ക് എത്തിക്സ് കമ്മിറ്റിയുടെ ക്ലീന് ചിറ്റ്
തിരുവനന്തപുരം: കിഫ്ബിയെക്കുറിച്ച സി.എ.ജി റിപ്പോര്ട്ട് പുറത്തുവിെട്ടന്ന വിവാദത്തില് ധനമന്ത്രി ഡോ. തോമസ് ഐസക്കിന് നിയമസഭയുടെ പ്രിവിലജ് ആന്ഡ് എത്തിക്സ് കമ്മിറ്റിയുടെ ക്ലീന് ചിറ്റ്. മന്ത്രി നിയമസഭയുടെ അവകാശം ലംഘിച്ചിട്ടില്ലെന്ന് സമിതി വിലയിരുത്തി.
സമിതിയുടെ റിപ്പോര്ട്ടിന് അന്തിമരൂപമായി. മൂന്ന് പ്രതിപക്ഷ എം.എല്.എമാരുടെ വിയോജിപ്പോടെയാണിത്. റിപ്പോര്ട്ട് ചൊവ്വാഴ്ച നിയമസഭയില് സമര്പ്പിച്ചേക്കും.
സി.എ.ജി റിപ്പോര്ട്ടിലെ പരാമര്ശങ്ങള് ധനമന്ത്രി വാര്ത്തസമ്മേളനം നടത്തി പുറത്തുവിെട്ടന്നും അത് ചട്ടലംഘനമാണെന്നും ആരോപിച്ച് പ്രതിപക്ഷത്തെ വി.ഡി. സതീശനാണ് സ്പീക്കര്ക്ക് പരാതി നല്കിയത്. സ്പീക്കര് ധനമന്ത്രിയോട് വിശദീകരണം തേടി. തുടര്ന്ന് പരാതി എത്തിക്സ് കമ്മിറ്റിക്ക് വിട്ടു. സമിതി മന്ത്രിയെ വിളിച്ചുവരുത്തി വിശദീകരണം തേടി.