കൊറോണ ഭീതി: ബ്രിട്ടനില് നിന്നുള്ള വിമാനങ്ങള് യൂറോപ്യന് രാജ്യങ്ങള് തടയുന്നു
കൊറോണ ഭീതി വീണ്ടും ശക്തമായതോടെ ബ്രിട്ടനില് നിന്നുള്ള വിമാനങ്ങള് തടഞ്ഞ് യൂറോപ്യന് രാജ്യങ്ങള്. നെതര്ലാന്ഡ്സ്, ബെല്ജിയം എന്നീ രാജ്യങ്ങള് യുകെയില് നിന്നുള്ള വിമാന സര്വീസുകള് നിരോധിച്ചു.
ഫ്രാന്സും ഇറ്റലിയും ജര്മ്മനിയും സമാനമായ നടപടികള് സ്വീകരിക്കാന് ഒരുങ്ങുന്നതായും സൂചനയുണ്ട്. കൊറോണ വൈറസിെന്റ പുതിയ ആഘാതം തടയുന്നതിന് നിരവധി യൂറോപ്യന് രാജ്യങ്ങള് യുകെയില് നിന്നുള്ള വിമാനങ്ങള് നിരോധിക്കാന് ആലോചിക്കുന്നതായി ബിബിസി ഞായറാഴ്ച റിപ്പോര്ട്ട് ചെയ്തു.
ബെല്ജിയം യുകെയില് നിന്നുള്ള ട്രെയിനുകളും നിര്ത്തി. യുകെയില് നിന്നും ദക്ഷിണാഫ്രിക്കയില് നിന്നുമുള്ള വിമാനങ്ങള് നിരോധിക്കുന്നത് സംബന്ധിച്ച് രാജ്യം ആലോചിക്കുന്നതായി ജര്മന് ആരോഗ്യ മന്ത്രാലയ ഉദ്യോഗസ്ഥന് എഎഫ്പിയോട് പറഞ്ഞു. കുറഞ്ഞത് 24 മണിക്കൂറെങ്കിലും നിരോധനം ഏര്പ്പെടുത്തുമെന്ന് ബെല്ജിയം പ്രധാനമന്ത്രി അലക്സാണ്ടര് ഡി ക്രൂ പറഞ്ഞു. ഇത് മുന്കരുതല് നടപടിയാണെന്നും കൂടുതല് നടപടികള് ആവശ്യമുണ്ടെങ്കില് പിന്നീട് കാണുമെന്നും അദ്ദേഹം കൂട്ടിച്ചേര്ത്തു. യുകെയില് നിന്നുള്ള എല്ലാ യാത്രാ വിമാനങ്ങള്ക്കും നിരോധനം ജനുവരി 1 വരെ പ്രാബല്യത്തില് വരുമെന്ന് നെതര്ലാന്ഡ്സ് അറിയിച്ചു.
ഇംഗ്ലണ്ടിലെ ജനസംഖ്യയുടെ മൂന്നിലൊന്ന് ക്രിസ്മസ് ലോക്ഡൗണിലേക്ക് പ്രവേശിച്ചതിനാലാണ് പുതിയ നീക്കങ്ങള്.