പാലായില്‍ എന്‍.സി.പി തന്നെ മത്സരിക്കുമെന്ന് മാണി സി.കാപ്പന്‍
പാലാ: നിയമസഭ സീറ്റിന്‍റെ കാര്യത്തില്‍ വിട്ടുവീഴ്‍ച്ചക്കില്ലെന്ന് ആവര്‍ത്തിച്ച്‌ മാണി സി. കാപ്പന്‍. സിറ്റിങ് സീറ്റായ പാലായില്‍ എന്‍.സി.പി തന്നെ മത്സരിക്കുമെന്ന് മാണി സി.കാപ്പന്‍ പറഞ്ഞു.
തനിക്ക് കിട്ടിയ ഭൂരിപക്ഷം തദ്ദേശ തെരഞ്ഞെടുപ്പില്‍ എല്‍.ഡി.എഫിന് ലഭിച്ചില്ല. ഇപ്പോഴത്തെ സൂചനകള്‍ ജോസ് കെ മാണിക്ക് അനുകൂലമല്ലെന്നും കാപ്പന്‍ പറഞ്ഞു.
എന്‍.സി.പിയില്‍ വോട്ട് ചോര്‍ച്ചയുണ്ടായിട്ടില്ലെന്നും കാപ്പന്‍ പറഞ്ഞു. പാലായില്‍ എല്‍.ഡി.എഫിന് ഭൂരിപക്ഷം കുറഞ്ഞു. ഭൂരിപക്ഷം എന്‍.സി.പിക്കാണ്. പാലാ നിയോജകമണ്ഡലത്തില്‍ എന്‍.സി.പിയോട് കാണിച്ചത് അനീതിയാണെന്ന് ഞാന്‍ നേരത്തെ പറഞ്ഞിരുന്നു. എല്‍.ഡി.എഫിന്‍റെ കൂട്ടായ പ്രവര്‍ത്തനത്തിന്‍റെ ഫലമാണ് പാലാ ഉള്‍പ്പെടെയുള്ള മണ്ഡലങ്ങളിലെ വിജയം. പക്ഷെ കഴിഞ്ഞ നിയമസഭ തെരഞ്ഞെടുപ്പില്‍ കിട്ടിയ മേല്‍ക്കൈ ഈ തെരഞ്ഞെടുപ്പില്‍ കിട്ടിയില്ലെന്നും കാപ്പന്‍ പറഞ്ഞു.