കോണ്ഗ്രസ് താഴേ തട്ടിലിറങ്ങി പ്രവര്ത്തിക്കണമെന്ന് മുനീര്
കോഴിക്കോട്: കോണ്ഗ്രസ് താഴേ തട്ടിലിറങ്ങി പ്രവര്ത്തിക്കണമെന്ന് പ്രതിപക്ഷ ഉപനേതാവ് എം.കെ. മുനീര്. തെരഞ്ഞെടുപ്പ് ഫലത്തിനു പിന്നാലെയാണ് വിമര്ശനവുമായി അദ്ദേഹം രംഗത്തെത്തിയത്.
ഇപ്പോള് ചര്ച്ച ചെയ്തില്ലെങ്കില് ജീവന് പോയിട്ടാകും ചര്ച്ച ചെയ്യുക. കേരള കോണ്ഗ്രസ് ജോസ് വിഭാഗം മുന്നണി വിട്ടത് ക്ഷീണമായോ എന്നതും പരിശോധിക്കണമെന്ന് മുനീര് പറഞ്ഞു. 2015-മായി താരതമ്യം ചെയ്യുന്പോള് 2020-ല് യുഡിഎഫ് നില മെച്ചപ്പെടുത്തിയിട്ടുണ്ട്. കഴിഞ്ഞ തവണത്തേക്കാള് ഗ്രാമപഞ്ചായത്തുകളിലും നഗരസഭകളിലും യുഡിഎഫ് നേട്ടമുണ്ടാക്കി. എന്നാല്, ഐക്യജനാധിപത്യ മുന്നണിയെന്ന നിലയില് കൂടുതല് സൂക്ഷ്മതയോടെ പ്രവര്ത്തിക്കണം. പോരായ്മകള് വിലയിരുത്തണം. അപകടകരമായ അവസ്ഥ നിലവിലില്ലെന്നും മുനീര് പറഞ്ഞു.
തെരഞ്ഞെടുപ്പ് തോല്വി കോണ്ഗ്രസ് ഗൗരവമായി പരിശോധിക്കണമെന്ന് ഇന്നലെ പി കെ കുഞ്ഞാലിക്കുട്ടിയും പറഞ്ഞിരുന്നു. വെല്ഫെയര് പാര്ട്ടിയുമായുള്ള നീക്കുപോക്ക് തെരഞ്ഞെടുപ്പിന്റെ തലേന്ന് വരെ ചര്ച്ചയായത് തിരിച്ചടിയായെന്നും പി കെ കുഞ്ഞാലിക്കുട്ടി പറഞ്ഞു. ലീഗിന്റെ കോട്ടകള് നിലനിര്ത്താനായെന്ന് പാണക്കാട് ഹൈദരലി ശിഹാബ് തങ്ങള് പ്രതികരിച്ചു