തദ്ദേശ തിരഞ്ഞെടുപ്പ് കേരളത്തില് ബി.ജെ.പിയുടെ അന്ത്യം കുറിക്കും: ചെന്നിത്തല
തിരുവനന്തപുരം: തദ്ദേശ തിരഞ്ഞെടുപ്പോടെ കേരളത്തിലെ ബി.ജെ.പിയുടെ അന്ത്യം കുറിക്കുമെന്ന് പ്രതിപക്ഷ നേതാവ് രമേശ് ചെന്നിത്തല.ബി.ജെ.പിയുടെ സ്ഥിതി ദയനീയമാകുമെന്നും ഒരടി പോലും മുന്നോട്ടു പോകാന് പറ്റാത്ത അവസ്ഥയാണ് കേരളത്തില് ബി.ജെ.പിക്കുള്ളതെന്നും ചെന്നിത്തല പറഞ്ഞു.തന്റെ ഫേസ്ബുക്ക് പോസ്റ്റിലൂടെയാണ് ചെന്നിത്തല ഇക്കാര്യം വ്യക്തമാക്കിയത്.
കഴിഞ്ഞ പാര്ലമെന്റ് തിരഞ്ഞെടുപ്പിലും വീരവാദങ്ങള് മുഴക്കിയ പാര്ട്ടിയാണ് ബി.ജെ.പിയെന്നും എന്നാല് ഒരു സീറ്റ് പോലും നേടാനായില്ലെന്നും ചെന്നിത്തല പറഞ്ഞു. നിയമസഭയില് ആകെ കിട്ടിയത് ഒരു സീറ്റാണ്. പഞ്ചായത്ത് തിരഞ്ഞെടുപ്പില് ബി.ജെ.പിയുടെ സ്ഥിതി ദയനീയമാകും. ഈ ബി.ജെ.പിയാണ് കോണ്ഗ്രസ് ഇല്ലാതാകുമെന്ന് പറഞ്ഞു നടക്കുന്നതെന്നും ചെന്നിത്തല പരിഹസിച്ചു. കേരള നിയമസഭയില് പത്തു സീറ്റ് കിട്ടാന് നൂറു വര്ഷം കഴിഞ്ഞാലും ബി.ജെ.പിക്ക് സാധിക്കില്ലെന്നും നരേന്ദ്ര മോദിക്ക് കേരള നിയമസഭയില് അംഗങ്ങളെ നോമിനേറ്റ് ചെയ്യാന് അധികാരം ഉണ്ടെങ്കില് മാത്രം സുരേഷ് ഗോപി പറഞ്ഞതു പോലെ പത്ത് അംഗങ്ങള് ഉണ്ടായേക്കുമെന്നും ചെന്നിത്തല കൂട്ടിച്ചേര്ത്തു.