കര്ഷക സമരം: അഞ്ചിന നിര്ദ്ദേശങ്ങള് കര്ഷകര് തള്ളി
ന്യൂഡല്ഹി: കര്ഷക സമരം അവസാനിപ്പിക്കാന് കേന്ദ്രസര്ക്കാര് മുന്നോട്ടുവെച്ച അഞ്ചിന നിര്ദേശങ്ങള് തള്ളി സമരസമിതി. ഭേദഗതിയല്ല കര്ഷക വിരുദ്ധ നിയമങ്ങള് പിന്വലിക്കണമെന്നാണ് കര്ഷകസംഘടനകളുടെ നിലപാട്. അതുവരെ പ്രതിഷേധം തുടരുമെന്നും സമരക്കാര് അറിയിച്ചു.
കാര്ഷിക നിയമങ്ങള് പിന്വലിക്കണം എന്നാണ് ഏറ്റവും ഒടുവിലെ ചര്ച്ചകളിലും കര്ഷക സംഘടനകള് എടുത്തിരുന്ന നിലപാട്. എന്നാല് നിയമങ്ങള് പിന്വലിക്കാനാവില്ലെന്നും ഭേദഗതികള് കൊണ്ടുവരാം എന്നുമാണ് ഇപ്പോള് സര്ക്കാര് പറയുന്നത്.
കാര്ഷിക നിയമങ്ങളില് പ്രതിഷേധിച്ച് ഡിസംബര് 12ന് ഡല്ഹി-ജയ്പുര്, ഡല്ഹി-ആഗ്ര ദേശീയ പാതകള് ഉപരോധിക്കുമെന്നും ഡിസംബര് 14ന് ദേശീയ പ്രതിഷേധം സംഘടിപ്പിക്കുമെന്നും കര്ഷക സമരസമിതി നേതാക്കള് വ്യക്തമാക്കി. ഡിസംബര് 12ന് രാജ്യവ്യാപകമായി ടോള്പ്ലാസകളില് ടോള് ബഹിഷ്കരിക്കാനും കര്ഷകസംഘടനാ നേതാവ് ദര്ശന് പാല് ആഹ്വാനം ചെയ്ചു.