കര്‍ഷക സമരം: ശാഹീന്‍ ബാഗ് ദാദി പൊലീസ് കസ്റ്റഡിയില്‍
ന്യൂഡല്‍ഹി: കര്‍ഷക സമരം സന്ദര്‍ശിക്കാനെത്തിയ ശാഹീന്‍ ബാഗ് ദാദി എന്നറിയപ്പെടുന്ന ബില്‍കീസ് ബാനുവിനെ ഡല്‍ഹി പൊലീസ് കസ്റ്റഡിയില്‍. ഡല്‍ഹി-ഹരിയാന അതിര്‍ത്തിയായ സിന്‍ഘുവില്‍ വെച്ചാണ് ദാദിയെ കസ്റ്റഡിയിലെടുത്തത്.
20ഓളം പൊലീസുകാര്‍ ചേര്‍ന്നാണ് 82കാരിയായ ദാദിയെ തടഞ്ഞതെന്ന് ‘ദി വയര്‍’ റിപ്പോര്‍ട്ട് ചെയ്തു. ”ഞങ്ങള്‍ കര്‍ഷകരുടെ പെണ്‍മക്കളാണ്. ഞങള്‍ ശബ്ദമുയര്‍ത്തും. സര്‍ക്കാര്‍ ഞങ്ങളെ കേള്‍ക്കണം”- ദാദി നേരത്തേ പ്രതികരിച്ചിരുന്നു.
സി.എ.എ-എന്‍.ആര്‍.സി വിരുദ്ധ സമരത്തിലൂടെ ശ്രദ്ധയാകര്‍ഷിച്ച ബില്‍കീസ് ബാനു ടൈം മാഗസിെന്‍റ ലോകത്തെ സ്വാധീനിച്ചവരുടെ പട്ടികയിലും ബി.ബി.സിയുടെ 100 വനിത പട്ടികയിലും ഇടംപിടിച്ചിരുന്നു.