ഷെമീറിന്റെ മരണത്തില് ആറ് ജയില് ഉദ്യോഗസ്ഥര് അറസ്റ്റില്
തൃശൂര്: റിമാന്റ് പ്രതി ഷെമീറിന്റെ മരണത്തില് ആറ് ജയില് ഉദ്യോഗസ്ഥര് അറസ്റ്റില്. അമ്ബിളിക്കല കൊവിഡ് സെന്ററില് ഡ്യൂട്ടിയിലുണ്ടായിരുന്ന ഉദ്യോഗസ്ഥരെയാണ് ക്രൈംബ്രാഞ്ച് കൊലക്കുറ്റം ചുമത്തി അറസ്റ്റ് ചെയ്തത്. കഞ്ചാവ് കേസിലെ പ്രതിയായ ഷെമീര് മരിച്ച് ഒരു മാസം പിന്നിടുമ്ബോഴാണ് കേസില് ആറ് പേര് അറസ്റ്റിലാകുന്നത്. നേരത്തെ പൊലീസ് അന്വേഷിച്ചിരുന്ന കേസ് പിന്നീട് ക്രൈംബ്രാഞ്ചിന് കൈമാറുകയായിരുന്നു.
ജില്ലാ ജയിലിലെ അസിസ്റ്റന്റ് പ്രിസണ് ഓഫീസര് അരുണ്, അസിസ്റ്റന്റ് പ്രിസണ് ഓഫീസര്മാരായ വിവേക്, രമേശ്, പ്രദീപ്, ഡെപ്യൂട്ടി പ്രിസണ് ഓഫീസര് സുഭാഷ്, അസിസ്റ്റന്റ് ജയില് സൂപ്രണ്ട് രാഹുല് എന്നിവരെയാണ് ക്രൈംബ്രാഞ്ച് അറസ്റ്റ് ചെയ്തത്. ഷെമീര് റിമാന്റിലായിരിക്കെ അമ്ബിളിക്കല കൊവിഡ് സെന്ററില് ഇവരായിരുന്നു ഡ്യൂട്ടിയിലുണ്ടായിരുന്നത്. തലയ്ക്ക് ഏറ്റ ക്ഷതമാണ് മരണകാരണമെന്നാണ് പോസ്റ്റുമോര്ട്ടം റിപ്പോര്ട്ടിലുള്ളത്.