സംവരണ പ്രക്ഷോഭം ഗൂഢാലോചന : ബി.ജെ.പി
തിരുവനന്തപുരം: മുന്നാക്ക വിഭാഗങ്ങളുടെ സംവരണ പേരില് നടക്കുന്ന പ്രക്ഷോഭം ജനങ്ങളെ ഭിന്നിപ്പിക്കാനുള്ള തീവ്രവര്ഗീയ പ്രസ്ഥാനങ്ങളുടെ ഗൂഢാലോചനയാണെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന് വാര്ത്തസമ്മേളനത്തില് ആരോപിച്ചു.
മുന്നാക്ക സംവരണത്തിനെതിരെ ആസൂത്രിത നീക്കമാണ് നടക്കുന്നത്. പിണറായി വിജയനോട് അടുപ്പമുള്ള കാന്തപുരവും ഇടതുമുന്നണിക്കൊപ്പം പ്രവര്ത്തിക്കുന്ന ഐ.എന്.എല്ലും ഒരു മുന്നണിയിലുമില്ലാത്ത തീവ്രവാദ സംഘടനകളും കുഞ്ഞാലിക്കുട്ടിക്ക് പിന്നില് അണിനിരക്കുന്നതില് അസ്വാഭാവികതയുണ്ട്. ഇതില് കുഞ്ഞാലിക്കുട്ടിയുടെ ഇടപെടല് ദുരൂഹമാണെന്നും അദ്ദേഹം പറഞ്ഞു.