ശബരിമല: സര്ക്കാരിന് തിരിച്ചടി ; കേരളസര്ക്കാര് വിളിച്ച യോഗത്തില് ദക്ഷിണേന്ത്യന് സംസ്ഥാനങ്ങളിലെ മന്ത്രിമാര് യോഗത്തിനെത്തിയില്ല
തിരുവനന്തപുരം: ശബരിമല യുവതി പ്രവേശനവുമായി ബന്ധപ്പെട്ട് കേരളസര്ക്കാര് വിളിച്ചു ചേര്ത്ത ദക്ഷിണേന്ത്യന് സംസ്ഥാനങ്ങളിലെ ദേവസ്വം മന്ത്രിമാരുടെ യോഗത്തില് സര്ക്കാരിന് തിരിച്ചടി. ഒരു സംസ്ഥാനത്തെയും മന്ത്രിമാര് യോഗത്തിനെത്തിയില്ല. ഇവിടെ നിന്നുള്ള ഉദ്യോഗസ്ഥര് യോഗത്തിനെത്തി. മന്ത്രിമാര് എത്താത്തതിനെ തുടര്ന്ന് യോഗത്തില് പങ്കെടുക്കുന്നില്ലെന്ന് മുഖ്യമന്ത്രിയും അറിയിച്ചു.
മണ്ഡല മകര വിളക്ക് തീര്ത്ഥാടനത്തോടനുബന്ധിച്ചുള്ള ഒരുക്കങ്ങള് ചര്ച്ച ചെയ്യുന്നതിനാണ് സര്ക്കാര് യോഗം വിളിച്ചത്. തമിഴ്നാട്, കര്ണാടക, ആന്ധ്രപ്രദേശ്, തെലങ്കാന, പുതുച്ചേരി എന്നിവിടങ്ങളിലെ മന്ത്രിമാരെയായിരുന്നു യോഗത്തിന് ക്ഷണിച്ചത്. എന്നാല് മന്ത്രിമാര്ക്ക് പകരമായാണ് വകുപ്പ് സെക്രട്ടറിമാര് എത്തിയത്. പെട്ടന്നുണ്ടായ തിരക്കുകള് കാരണം മുഖ്യമന്ത്രിക്ക് വരാനാകില്ലെന്ന വിശദീകരണമാണ് ദേവസ്വം മന്ത്രി കടകംപള്ളി സുരേന്ദ്രന് നല്കിയത്.