കാര്‍ഷിക ബില്‍ മോദിയുടെ പണക്കാരായ സുഹൃത്തുക്കള്‍ക്കുവേണ്ടി: പ്രിയങ്കാ ഗാന്ധി
ന്യൂഡല്‍ഹി: മോദി സര്‍ക്കാര്‍ കൊണ്ടുവന്ന കാര്‍ഷിക ബില്ലുകള്‍ക്കെതിരെ രൂക്ഷവിമര്‍ശനവുമായി കോണ്‍ഗ്രസ് നേതാവ് പ്രിയങ്ക ഗാന്ധി.
സര്‍ക്കാര്‍ കോടീശ്വരന്‍മാരായ സുഹൃത്തുക്കള്‍ക്ക് വേണ്ടിയാണ് പുതിയ കാര്‍ഷിക ബില്ലുകള്‍ കൊണ്ടുവന്നത്. കര്‍ഷകര്‍ക്ക് ഏറ്റവും ബുദ്ധിമുട്ടുള്ള സമയത്ത് ഉല്‍പന്നങ്ങള്‍ക്ക് താങ്ങുവില പ്രഖ്യാപിക്കുകയോ സംഭരണത്തിനായുള്ള സംവിധാനങ്ങള്‍ ഒരുക്കി നല്‍കുകയോ ചെയ്യാതെ നേരരെ വിപരീതമായി കാര്‍ഷക ദ്രോഹനടപടികളാണ് ചെയ്യുന്നതെന്ന് പ്രിയങ്ക ട്വിറ്ററിലൂടെ പ്രതികരിച്ചു.
”ഇത് കര്‍ഷകര്‍ക്ക് ബുദ്ധിമുട്ടുള്ള സമയമാണ്. താങ്ങുവില പ്രഖ്യാപിച്ചും കര്‍ഷകര്‍ക്ക് സംഭരണ സൗകര്യങ്ങള്‍ നല്‍കിയും സര്‍ക്കാര്‍ അവരെ സഹായിക്കേണ്ടതായിരുന്നു. എന്നാല്‍ നേരെ മറിച്ചാണ് സംഭവിച്ചത്. സമ്ബന്നരായ സുഹൃത്തുക്കളെ കാര്‍ഷിക മേഖലയിലേക്ക് കൊണ്ടുവരാണ് ബി.ജെ.പി സര്‍ക്കാര്‍ ഉത്സാഹം കാണിക്കുന്നത് – പ്രിയങ്ക ഗാന്ധി ട്വിറ്ററില്‍ കുറിച്ചു.