വായ്പ മൊറട്ടോറിയം : കൃത്യമായ നിലപാട് അറിയിക്കണമെന്നു സുപ്രീംകോടതി
ന്യൂഡല്ഹി : ബാങ്ക് വായ്പ മൊറട്ടോറിയം നീട്ടുന്നതില് കേന്ദ്രസര്ക്കാരിനു രണ്ടാഴ്ച കൂടി സമയം അനുവദിച്ചു സുപ്രീംകോടതി. കൃത്യമായ നിലപാടുമായി എത്താന് കോടതി കേന്ദ്രത്തോട് ആവശ്യപ്പെട്ടു.
തിരിച്ചടവ് മുടങ്ങിയ അക്കൗണ്ടുകള് എന്പിഎ(നിഷ്ക്രിയ ആസ്തി)കളായി ഇനിയൊരു ഉത്തരവുണ്ടാകുന്നതുവരെ പ്രഖ്യാപിക്കരുതെന്നും കോടതി വിധിച്ചു. ജസ്റ്റിസ് അശോക് ഭൂഷന്റെ നേതൃത്വത്തിലുള്ള ബെഞ്ചിന്റെതാണ് ഇടക്കാല ഉത്തരവ്. കേസ് 28-ന് പരിഗണിക്കും. എല്ലാ ഹര്ജിക്കാരുടെയും വാദംകേട്ട സുപ്രീം കോടതി രണ്ടാഴ്ചയ്ക്കുള്ളില് വിശദമായ സത്യവാങ്മൂലം സമര്പ്പിക്കാന് കേന്ദ്ര സര്ക്കാരിന് നിര്ദേശംനല്കി. സെപ്റ്റംബര് 28വരെ വായ്പ അടയ്ക്കാത്തവരുടെ ക്രഡിറ്റ് റേറ്റിങ് താഴ്ത്താന് പാടില്ലെന്നും നിലവിലെ സ്ഥിതി നിലനിര്ത്താനും കോടതി നിര്ദേശിച്ചിട്ടുണ്ട്.