സ്ത്രീവിരുദ്ധ പരാമര്ശത്തില് ഖേദം പ്രകടിപ്പിച്ച് ചെന്നിത്തല
തിരുവനന്തപുരം: സ്ത്രീവിരുദ്ധ പരാമര്ശത്തില് ഖേദം പ്രകടിപ്പിച്ച് പ്രതിപക്ഷ നേതാവ് രമേശ് ചെന്നിത്തല. വാർത്താ സമ്മേളനത്തിൽ ചോദ്യത്തിന് ഉത്തരം നൽകുന്ന അവസരത്തിൽ വിദൂരമായി പോലും, മനസിൽ ഉദ്ദേശിക്കാത്ത പരാമർശം ആണ് ഉണ്ടായത് എന്ന് വീണ്ടും കേട്ടപ്പോൾ മനസിലായെന്ന് ചെന്നിത്തല വ്യക്തമാക്കി. അത്തരം ഒരു പരാമർശം ഒരിക്കലും തന്റെ ഭാഗത്ത് നിന്ന് ഉണ്ടാകാൻ പാടില്ല എന്ന രാഷ്ട്രീയ ബോധ്യത്തിലാണ് ഇത്രയും കാലം പ്രവർത്തിച്ചിട്ടുള്ളത്. എങ്കിലും അതിനിടയാക്കിയ വാക്കുകള് പിന്വലിച്ച് നിര്വാജ്യം ഖേദം പ്രകടിപ്പിക്കുന്നുവെന്ന് ചെന്നിത്തല ഫേസ് ബുക്ക് കുറിപ്പില് വ്യക്തമാക്കി.
തിരുവനന്തപുരത്ത് കോവിഡ് സര്ട്ടിഫിക്കറ്റ് വാങ്ങാനെത്തിയ യുവതിയെ പീഡിപ്പിച്ച ആരോഗ്യ പ്രവര്ത്തകന്റെ കോണ്ഗ്രസ് ബന്ധത്തെ കുറിച്ചുള്ള ചോദ്യത്തിനാണ് ചെന്നിത്തല വിവാദ മറുപടി നല്കിയത്. അതെന്താ ഡിവൈഎഫ്ഐക്കാര്ക്ക് മാത്രമേ പീഡിപ്പിക്കാവൂ എന്ന് എവിടെയെങ്കിലും എഴുതിവെച്ചിട്ടുണ്ടോ എന്നായിരുന്നു ചെന്നിത്തലയുടെ മറുപടി. ഇതിനെതിരെ വലിയ രീതിയിലുള്ള പ്രതിഷേധം ഉയര്ന്നതിന് പിന്നാലെയാണ് ചെന്നിത്തല ഖേദം പ്രകടിപ്പിച്ചത്.