സപ്ലൈകോ ഓണച്ചന്ത 21 മുതല്
തിരുവനന്തപുരം: സംസ്ഥാനത്ത് സപ്ലൈകോയുടെ ജില്ലാതല ഓണച്ചന്തകള് ഓഗസ്റ്റ് 21 മുതല് 30 വരെ നടക്കും. ഉദ്ഘാടനം ഓഗസ്റ്റ് 21ന് വൈകുന്നേരം നാലിന് മുഖ്യമന്ത്രി പിണറായി വിജയന് ഓണ്ലൈനില് നിര്വഹിക്കും. ഭക്ഷ്യമന്ത്രി പി.തിലോത്തമന് ചടങ്ങില് പങ്കെടുക്കും.
കോവിഡ് പ്രോട്ടോക്കോള് പാലിച്ചാണ് ജില്ലാ ആസ്ഥാനങ്ങളില് ചന്തകള് നടത്തുക. രാവിലെ 10 മുതല് വൈകുന്നേരം ആറുവരെയാണ് സമയം. അവധി ബാധകമായിരിക്കില്ല.
കണ്ടെയ്മെന്റ് സോണുകളില് രാവിലെ 8.30 മുതല് വൈകുന്നേരം ജില്ലാ കളക്ടര് നിശ്ചയിച്ചിട്ടുള്ള സമയം വരെയായിരിക്കും പ്രവര്ത്തിക്കുകയെന്ന് സിഎംഡി അലി അസ്ഗര് പാഷ അറിയിച്ചു.