കോവിഡ് : യുപി മന്ത്രിയും മുന് ക്രിക്കറ്റ് താരവുമായ ചേതന് ചൗഹാന് മരിച്ചു
ലക്നൗ : ഉത്തര്പ്രദേശ് മന്ത്രിയും മുന് ഇന്ത്യന് ക്രിക്കറ്റ് താരവുമായ ചേതന് ചൗഹാന് അന്തരിച്ചു . കോവിഡ് ബാധയെ തുടര്ന്ന് ചികിത്സയിലിരിക്കെയാണ് അന്ത്യം .
കഴിഞ്ഞ മാസമാണ് അദ്ദേഹത്തിന് കോവിഡ് സ്ഥിരീകരിച്ചത് . ഒന്നിലധികം അവയവങ്ങളുടെ പ്രവര്ത്തനം നിലച്ചതിന് പിന്നാലെയാണ് അദ്ദേഹത്തിന്റെ ആരോഗ്യ നില വഷളായത് . തുടര്ന്ന് അദ്ദേഹത്തെ വെന്റിലേറ്ററില് പ്രവേശിപ്പിച്ചിരിക്കുകയായിരുന്നു.
ലക്നൗവിലെ സഞ്ജയ് ഗാന്ധി പി ജി ഐ ആശുപത്രിയിലാണ് അദ്ദേഹത്തെ ആദ്യം പ്രവേശിപ്പിക്കുന്നത് . ആരോഗ്യ നില മെച്ചപ്പെടാതിരിക്കുകയും മറ്റ് സങ്കീര്ണതകള് ഉണ്ടാകുകയും ചെയ്തതോടെ അദ്ദേഹത്തെ ഗുരുഗ്രാമിലേക്ക് മാറ്റി . അദ്ദേഹം 40 ടെസ്റ്റുകള് ഇന്ത്യയ്ക്കായി ചൗഹാന് കളിച്ചിട്ടുണ്ട് . സുനില് ഗവാസ്കറുടെ ദീര്ഘ കാല ഓപ്പണിംഗ് പങ്കാളിയായിരുന്നു അദ്ദേഹം.