ഉത്ര കൊലപാതകക്കേസില് കുറ്റപത്രം സമര്പ്പിച്ചു; സൂരജ് ഒന്നാംപ്രതി
പുനലൂര്: അഞ്ചലിലെ ഉത്രയെ പാമ്ബ് കടിപ്പിച്ച് കൊന്ന കേസില് കുറ്റപത്രം സമര്പ്പിച്ചു. അന്വേഷണ സംഘം പുനലൂര് ഒന്നാം ക്ലാസ് മജിസ്ട്രേട്ട് കോടതിയിലാണ് കുറ്റപത്രം സമര്പ്പിച്ചത്. ഒന്നാം പ്രതിയായ ഭര്ത്താവ് സൂരജ് മാത്രമാണ് കൊലപാതകം ആസൂത്രണം ചെയ്തതും നടപ്പാക്കിയതെന്ന് കുറ്റപത്രത്തില് പറയുന്നു. സൂരജ് നടത്തിയത് അത്യപൂര്വങ്ങളില് അപൂര്വമായ കുറ്റകൃത്യമെന്നും കുറ്റപത്രത്തില് പരാമര്ശമുണ്ട്. പാമ്ബിനെ ഉപയോഗിച്ചുള്ള കൊലപാതകം സംസ്ഥാനത്ത് ആദ്യമാണെന്നും ആയിരത്തിലധികം പേജുള്ള കുറ്റപത്രത്തില് പറയുന്നു.
സ്വത്ത് നഷ്ടപ്പെടുത്താതെ ഭാര്യയെ ഒഴിവാക്കാനായിരുന്നു സൂരജിന്റെ പദ്ധതി. പാമ്ബിനെ ഉപയോഗിച്ച് കൊലപ്പെടുത്തി സ്വഭാവിക മരണമെന്ന് വരുത്തിതീര്ക്കാനായിരുന്നു ശ്രമം. ശാസ്ത്രീയ തെളിവുകള് അടിസ്ഥാനമാക്കിയായിരുന്നു കേസ് അന്വേഷിച്ചത്.
മാപ്പ് സാക്ഷിയായ പാമ്ബ് പിടുത്തക്കാരന് സുരേഷാണ് പ്രാസിക്യൂഷന്റെ നിര്ണായക സാക്ഷി. അറസ്റ്റ് രേഖപ്പെടുത്തി 90 ദിവസങ്ങള്ക്ക് മുമ്ബ് കുറ്റപത്രം സമര്പ്പിച്ചതിനാല് സൂരജിന് ജാമ്യം ലഭിക്കില്ല. കേസില് രണ്ടാമത്തെ കുറ്റപത്രം രണ്ടാഴ്ചക്കുള്ളില് സമര്പ്പിക്കും. അതിവേഗ വിചാരണയ്ക്കായി ഹൈകോടതിയെ സമീപിക്കും.