രാജമലയില് വന് മണ്ണിടിച്ചില്; നിരവധി മരണം
മൂന്നാര് : രാജമല പെട്ടിമുടിയില് ലയങ്ങള്ക്കു മുകളിലേക്ക് മണ്ണിടിഞ്ഞുണ്ടായ വന്ദുരന്തത്തില് മരിച്ച 16 പേരുടെ മൃതദേഹങ്ങള് കണ്ടെടുത്തു. നയമക്കാട് എസ്റ്റേറ്റിലെ പെട്ടിമുടി ഡിവിഷനില് ജോലി ചെയ്യുന്ന തൊഴിലാളികളാണ് അപകടത്തില് പെട്ടത്. രക്ഷാപ്രവര്ത്തനത്തിന് സര്ക്കാര് വ്യോമസേനയുടെ സഹായം തേടി.
മൂന്നാര് രാജമല പെട്ടിമുടിയില് കഴിഞ്ഞ പുലര്ച്ചയോടെ ഉണ്ടായ മണ്ണിടിച്ചിലില് 30 മുറികളുള്ള 4 ലയങ്ങള് പൂര്ണ്ണമായും തകര്ന്നു. ഇവയില് ആകെ 78 പേരാണ് താമസിച്ചിരുന്നത്. ഇവയില് 12 പേര് രക്ഷപ്പെട്ടു. കാണാതായ 66 പേരില് 15 പേരുടെ മൃതദേഹം കണ്ടെത്തിയിട്ടുണ്ട്. ബാക്കിയുള്ളവര്ക്കായുള്ള രക്ഷാപ്രവര്ത്തനം ഊര്ജ്ജിതമായി തുടരുന്നു.
• രക്ഷപ്പെട്ട 12 പേരില് 4 പേരെ (3 സ്ത്രീകളും ഒരു പുരുഷനും) മൂന്നാര് ടാറ്റാ ഹോസ്പിറ്റലില് പ്രവേശിപ്പിച്ചിട്ടുണ്ട്. ഒരു സ്ത്രീ ഐ.സി.യുവിലാണ്.
• പരിക്ക് പറ്റിയ പളനിയമ്മ (50)യെ കോലഞ്ചേരി മെഡിക്കല് കോളേജിലും ദീപന് (25) , ചിന്താലക്ഷ്മി (33), സരസ്വതി (52) എന്നിവരെ മൂന്നാര് ടാറ്റാ ഹോസ്പിറ്റലിലും പ്രവേശിപ്പിച്ചു.
ഇന്ന് പുലര്ച്ചെ 3 മണിയോടെയാണ് അപകടം നടന്നത്. തൊഴിലാളികള് ഉറങ്ങിക്കിടക്കുമ്പോഴായിരുന്നു അപകടം. 14 പേരെ രക്ഷപ്പെടുത്തിയിട്ടുണ്ട്. നാല് പേരെ ടാറ്റാ ആശുപത്രിയില് പ്രവേശിപ്പിച്ചു. രാജമലയിലെ രക്ഷാപ്രവര്ത്തനം ഊര്ജ്ജിതമാക്കാന് മുഖ്യമന്ത്രി നിര്ദ്ദേശം നല്കി.രക്ഷാപ്രവര്ത്തനങ്ങള്ക്കായി മൂന്നാറില് കണ്ട്രോള് റൂം തുറന്നിട്ടുണ്ട്. ഫോണ് നമ്പര്:8547613101
മരണമടഞ്ഞവര്
1. ഗാന്ധിരാജ് (48),
2. ശിവകാമി (38)
3. വിശാല് (12)
4. രാമലക്ഷ്മി (40)
5. മുരുകന് (46)
6. മയില് സ്വാമി (48)
7. കണ്ണന് (40)
8. അണ്ണാദുരൈ ( 44)
9. രാജേശ്വരി (43)
10. കൗസല്യ (25)
11. തപസ്സിയമ്മാള് (42)
12. സിന്ധു (13)
13. നിധീഷ് (25)
14. പനീര്ശെല്വം( 50)
15. ഗണേശന് (40)