സി. സീനത്ത് കണ്ണൂര് മേയര്
കണ്ണൂര്: കണ്ണൂര് കോര്പറേഷന് മേയറായി മുസ്ലിംലീഗിലെ സി. സീനത്തിനെ തെരഞ്ഞെടുത്തു. എല്ഡിഎഫ് സ്ഥാനാര്ഥിയും മുന് മേയറുമായ സിപിഎമ്മിലെ ഇ.പി. ലതയെയാണ് സീനത്ത് പരാജയപ്പെടുത്തിയത്.
55 അംഗ കൗണ്സിലില് സീനത്തിന് 28 വോട്ടും ലതയ്ക്ക് 27 വോട്ടും ലഭിച്ചു. കോവിഡ് പ്രോട്ടോകോള് പാലിച്ചാണ് തെരഞ്ഞടുപ്പ് നടന്നത്. കണ്ണൂര് കോര് പറേഷനില് നാലര വര്ഷത്തിനുള്ളില് മൂന്നാമത്തെ മേയര് തെരഞ്ഞെടുപ്പാണു നടന്നത്.
കോണ്ഗ്രസും മുസ്ലിം ലീഗും തമ്മിലുള്ള ധാരണപ്രകാരം മേയറായിരുന്ന കോണ്ഗ്രസിലെ സുമ ബാലകൃഷ്ണന് രാജിവച്ചതിനെ തുടര്ന്നാണ് മേയര് തെരഞ്ഞടുപ്പ് ആവശ്യമായി വന്നത്. കേരളചരിത്രത്തില് ഇതാദ്യമായാണ് മുസ്ലിംലീഗിലെ വനിതാനേതാവ് മേയറായി തെരഞ്ഞെടുക്കപ്പെടുന്നത്.