യു.പി സര്‍ക്കാറിനെതിരെ നിലപാട് കടുപ്പിച്ച്‌ പ്രിയങ്ക ഗാന്ധി
ന്യൂഡല്‍ഹി: ആഗ്രയിലെ കോവിഡ് മരണം സംബന്ധിച്ച്‌ യു.പി സര്‍ക്കാറിനെതിരെ ഉന്നയിച്ച ആരോപണത്തില്‍ നിലപാട് കടുപ്പിച്ച്‌ കോണ്‍ഗ്രസ് നേതാവ് പ്രിയങ്ക ഗാന്ധി വാദ്ര. ഉത്തര്‍ പ്രദേശ് സര്‍ക്കാറിനെതിരായ വിമര്‍ശനത്തിന്‍റെ പേരില്‍ എന്ത് നടപടി സ്വീകരിച്ചാലും സത്യം വിളിച്ചു പറയുക തന്നെ ചെയ്യുമെന്ന് പ്രിയങ്ക ഗാന്ധി വ്യക്തമാക്കി.
പൊതുപ്രവര്‍ത്തക എന്ന നിലയില്‍ ഉത്തര്‍പ്രദേശിലെ ജനങ്ങള്‍ക്കുവേണ്ടി പ്രവര്‍ത്തിക്കുകയാണ് തന്‍റെ കര്‍ത്തവ്യമെന്ന് പ്രിയങ്ക ഗാന്ധി പറഞ്ഞു. സത്യം ജനങ്ങള്‍ക്ക് മുന്നില്‍ തുറന്നുകാട്ടുകയാണ് തന്‍റെ ലക്ഷ്യം. തനിക്കുനേരെ ഭീഷണി മുഴക്കി യുപി സര്‍ക്കാര്‍ സമയം പാഴാക്കുകയാണെന്നും അവര്‍ പറഞ്ഞു.
അവര്‍ക്ക് എന്തു നടപടി വേണമെങ്കിലും എടുക്കാം. സത്യം ഉയര്‍ത്തിക്കാട്ടുക തന്നെ ചെയ്യും. താന്‍ ഇന്ദിര ഗാന്ധിയുടെ കൊച്ചുമകളാണ്, ചില നേതാക്കളെ പോലെ ബി.ജെ.പിയുടെ അപ്രഖ്യാപിത വക്താവല്ലെന്നും പ്രിയങ്ക ഗാന്ധി ട്വിറ്ററില്‍ കുറിച്ചു.