എം.പി.വീരേന്ദ്രകുമാര് (84) അന്തരിച്ചു
കോഴിക്കോട്: രാഷ്ട്രീയനേതാവും സാഹിത്യകാരനുമായ എം.പി.വീരേന്ദ്രകുമാര് (84) അന്തരിച്ചു. മുന് കേന്ദ്രമന്ത്രിയും മാതൃഭൂമി മാനേജിങ് ഡയറക്ടറുമാണ്. കേരളത്തില് നിന്നുള്ള രാജ്യസഭാംഗമാണ്. ഹൃദയാഘാതത്തെത്തുടര്ന്ന് കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. വെള്ളിയാഴ്ച രാവിലെ ഭൗതിക ശരീരം വയനാട്ടിലേക്കു കൊണ്ടുപോകും. സംസ്കാരം വൈകിട്ട്.
ജനതാദള്(എസ്), സോഷ്യലിസ്റ്റ് ജനത(ഡെമോക്രാറ്റിക്), ജനതാദള്(യുണൈറ്റഡ്) എന്നിവയുടെ സംസ്ഥാന പ്രസിഡന്റായും പ്രവര്ത്തിച്ചു. ലോക് താന്ത്രിക് ജനതാദള് പാര്ട്ടി സ്ഥാപക നേതാവാണ്.
ഉഷയാണ് ഭാര്യ. മക്കള്: ആഷ, നിഷ, ജയലക്ഷ്മി, എം.വി.ശ്രേയാംസ്കുമാര് എംഎല്എ(ജോയിന്റ് മാനേജിങ് ഡയറക്ടര്, മാതൃഭൂമി). 1987ല് സംസ്ഥാന വനംവകുപ്പ് മന്ത്രിയായും പ്രവര്ത്തിച്ചിട്ടുണ്ട്. അന്ന് 48 മണിക്കൂറിനുള്ളില് മന്ത്രിസ്ഥാനം രാജിവെച്ചു. ജനതാദള് (എസ്), സോഷ്യലിസ്റ്റ് ജനത (ഡെമോക്രാറ്റിക് ) ജനതാ ദള് (യുണൈറ്റഡ്) എന്നിവയുടെ മുന് സംസ്ഥാന കമ്മിറ്റി പ്രസിഡന്റായിരുന്നു. ലോക് താന്ത്രിക് ജനതാദള് പാര്ട്ടിയുടെ സ്ഥാപക നേതാവാണ്. എല്ഡിഎഫ് രൂപീകരിച്ച കാലത്ത് മുന്നണി കണ്വീനറായിരുന്നു. അടിയന്തരാവസ്ഥ കാലത്ത് ജയില് വാസം അനുഭവിച്ചിട്ടുണ്ട്.
സമന്വയത്തിന്റെ വസന്തം, ബുദ്ധന്റെ ചിരി, ഗാട്ടും കാണാച്ചരടുകളും, രാമന്റെ ദുഃഖം, ആത്മാവിലേക്ക് ഒരു തീര്ത്ഥയാത്ര, പ്രതിഭയുടെ വേരുകള്തേടി, ചങ്ങമ്ബുഴ: വിധിയുടെ വേട്ടമൃഗം, തിരിഞ്ഞുനോക്കുമ്ബോള്, ആമസോണും കുറെ വ്യാകുലതകളും, സ്മൃതിചിത്രങ്ങള്, എം പി വീരേന്ദ്രകുമാറിന്റെ കൃതികള് (2 വോള്യം), ഹൈമവതഭൂവില്, വേണം നിതാന്ത ജാഗ്രത, ഡാന്യൂബ് സാക്ഷി, വിചിന്തനങ്ങള് സ്മരണകള് തുടങ്ങിയവയാണ് രചിച്ച കൃതികള്. കേരള സാഹിത്യ അക്കാദമിയുടെ സി ബി കുമാര് എന്ഡോവ്മെന്റ് അവാര്ഡ്, മഹാകവി ജി സ്മാരക അവാര്ഡ്, ഓടക്കുഴല് അവാര്ഡ്, കെ വി ഡാനിയല് അവാര്ഡ്, അബുദാബി ശക്തി അവാര്ഡ്, കേരള സാഹിത്യ അക്കാദമി അവാര്ഡ്, വയലാര് അവാര്ഡ്, ബാലാമണിയമ്മ പുരസ്കാരം, ഏറ്റവും മികച്ച യാത്രാവിവരണ കൃതിക്കുള്ള പ്രഥമ കേന്ദ്ര സാഹിത്യ അക്കാദമി അവാര്ഡ്, കേരള സാഹിത്യ അക്കാദമി ഫെലോഷിപ്പ്, ഗാന്ധിസ്മൃതി തുടങ്ങി എണ്പതിലേറെ പുരസ്കാരങ്ങള് വീരേന്ദ്രകുമാര് അര്ഹനായിട്ടുണ്ട്.
മദിരാശി നിയമസഭാംഗവും സോഷ്യലിസ്റ്റ് പാര്ട്ടി നേതാവുമായിരുന്ന എം കെ പദ്മപ്രഭാ ഗൗഡറുടെയും മരുദേവി അമ്മയുടെയും മകനായി 1936ലാണ് വീരേന്ദ്രകുമാര് ജനിച്ചത്. മദിരാശി വിവേകാനന്ദ കോളേജില് നിന്ന് ഫിലോസഫിയില് മാസ്റ്റര് ബിരുദവും അമേരിക്കയിലെ സിന്സിനാറ്റി സര്വ്വകലാശാലയില് നിന്ന് എംബിഎ ബിരുദവും നേടി