പ്രവാസികളുടെ ക്വാറന്റീന്: പാവപ്പെട്ടവര്‍ക്ക് ബുദ്ധിമുട്ടുണ്ടാവില്ല
തിരുവനന്തപുരം: പ്രവാസികളുടെ ക്വാറന്റീന് പണമിടാക്കാനുള്ള തീരുമാനത്തില്‍ വിശദീകരണവുമായി മുഖ്യമന്ത്രി പിണറായി വിജയന്‍. ഇതുമൂലം പാവപ്പെട്ട പ്രവാസികള്‍ക്ക് ഒരു ബുദ്ധിമുട്ടുണ്ടാവില്ല. ക്വാറന്റീന് പണം നല്‍കാന്‍ കഴിയുന്ന ചിലരുണ്ടാവും. അവരില്‍ നിന്നാവും പണം ഈടാക്കുക. ഇതുസംബന്ധിച്ച മാര്‍ഗനിര്‍ദേശം ഉടന്‍ പുറത്തിറക്കുമെന്നും മുഖ്യമന്ത്രി പറഞ്ഞു. പ്രവാസികള്‍ക്കായി വിമാനം ചാര്‍ട്ട് ചെയ്യാനുള്ള നീക്കം തുടങ്ങിയതായി റിപ്പോര്‍ട്ടുണ്ട്. സര്‍ക്കാര്‍ ഈ നീക്കങ്ങള്‍ക്ക് എതിരല്ല. അത്തരം പ്രചാരണങ്ങള്‍ വാസ്തവ വിരുദ്ധമാണെന്നും മുഖ്യമന്ത്രി വ്യക്തമാക്കി.