അടിയന്തര സാമ്ബത്തിക സഹായവും കൂടുതല് കിറ്റുകളും വേണമെന്ന് പ്രധാനമന്ത്രിയോട് മുഖ്യമന്ത്രി
തിരുവനന്തപുരം: കോവിഡിന്റെയും ലോക്ക്ഡൗണിന്റെയും പശ്ചാത്തലത്തില് സംസ്ഥാനത്തിന് അടിയന്തര സാമ്ബത്തിക സഹായം നല്കണമെന്ന് മുഖ്യമന്ത്രി പിണറായി വിജയന് പ്രധാനമന്ത്രിയോട് ആവശ്യപ്പെട്ടു.
മുഖ്യമന്ത്രിമാരുമായി പ്രധാനമന്ത്രി നരേന്ദ്ര മോദി നടത്തിയ വീഡിയോ കോണ്ഫറന്സിലാണ് പിണറായി വിജയന് ഇക്കാര്യം ഉന്നയിച്ചത്. അസംഘടിത മേഖലയ്ക്ക് പാക്കേജ് വേണമെന്നും കൂടുതല് പരിശോധനാ കിറ്റുകള് നല്കണമെന്നും അദ്ദേഹം ആവശ്യപ്പെട്ടു.
ലോക്ക്ഡൗണുമായ ബന്ധപ്പെട്ട മാര്ഗ നിര്ദ്ദേശങ്ങളില് ന്യായമായ മാറ്റങ്ങള് വരുത്താനുള്ള അവകാശം സംസ്ഥാനങ്ങള്ക്ക് നല്കണം. ഓരോ സംസ്ഥാനത്തേയും സ്ഥിതിഗതികള് വിലയിരുത്തി നിയന്ത്രണങ്ങള്ക്ക് വിധേയമായി പൊതു ഗതാഗതം അനുവദിക്കാനുള്ള സ്വാതന്ത്ര്യം സംസ്ഥാനങ്ങള്ക്ക് നല്കണമെന്നും അദ്ദേഹം യോഗത്തില് ആവശ്യപ്പെട്ടു.
അതേസമയം കൊവിഡ് വ്യാപനത്തിന്റെ പശ്ചാത്തലത്തില് ലോക്ക്ഡൗണ് നീട്ടണമെന്ന് പശ്ചിമ ബംഗാള്, ബീഹാര്, പഞ്ചാബ്, മഹാരാഷ്ട്ര. തെലങ്കാന സംസ്ഥാനങ്ങള് ആവശ്യപ്പെട്ടു.