ഗര്ഭിണികളെ ക്വാറന്റൈനില്നിന്ന് ഒഴിവാക്കും : മുഖ്യമന്ത്രി
തിരുവനന്തപുരം : കോവിഡ് പശ്ചാത്തലത്തില് വിദേശ രാജ്യങ്ങളില്നിന്നും രാജ്യത്തെ മറ്റു സംസ്ഥാനങ്ങളില്നിന്നും കേരളത്തിലേക്ക് മടങ്ങിവരുന്ന ഗര്ഭിണികളെ ക്വാറന്റൈനില്നിന്ന് ഒഴിവാക്കുമെന്ന് മുഖ്യമന്ത്രി പിണറായി വിജയന് അറിയിച്ചു . തിരുവനന്തപുരത്ത് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം . ഗര്ഭിണികള്ക്ക് വീടുകളിലേക്ക് പോകാം. അവര് വീടുകളില് നിരീക്ഷണത്തില് കഴിയണം. മറ്റുള്ളവര് പൊതുവായ കേന്ദ്രങ്ങളിലും നിരീക്ഷണത്തില് കഴിയണം എന്നും മുഖ്യമന്ത്രി വ്യക്തമാക്കി .
വിദേശ രാജ്യങ്ങളില്നിന്ന് മടങ്ങിയെത്തുന്ന പ്രവാസികളെ കോവിഡ് 19 പരിശോധനയ്ക്ക് വിധേയമാക്കണമെന്ന് സംസ്ഥാനം പ്രധാനമന്ത്രിയോട് അഭ്യര്ഥിച്ചിരുന്നു . എന്നല്, അതിന്റെ മറുപടി ലഭിച്ചിട്ടില്ല . മടങ്ങിവരുന്ന പ്രവാസികളുടെ കാര്യത്തില് കരുതലോടെയാണ് സര്ക്കാര് ഇടപെടുന്നത്. അവര്ക്കുവേണ്ട സൗകര്യങ്ങളെല്ലാം ഒരുക്കിയിട്ടുണ്ടെന്നും മുഖ്യമന്ത്രി പിണറായി വിജയന് അറിയിച്ചു .