ബാര്ബര് ഷോപ്പുകള് ഇനിയൊരു അറിയിപ്പ് ഉണ്ടാകുന്നത് വരെ തുറക്കില്ല
തിരുവനന്തപുരം: ഇനിയൊരു അറിയിപ്പുണ്ടാകുന്നത് വരെ സംസ്ഥാനത്തെ ബാര്ബര് ഷോപ്പുകള് തുറക്കാന് അനുവദിക്കില്ലെന്നറിയിച്ച് മുഖ്യമന്ത്രി പിണറായി വിജയന്. ബാര്ബര് ഷോപ്പുകള് തുറക്കുന്നതുമായി ബന്ധപ്പെട്ട് വ്യത്യസ്തങ്ങളായ അഭിപ്രായങ്ങള് ഉയര്ന്നതിനാല് വിഷയത്തില് വിശദമായ പരിശോധന ആവശ്യമാണെന്നും മുഖ്യമന്ത്രി പറഞ്ഞു. കൊവിഡ് അവലോകന യോഗത്തിന് ശേഷം ഇന്ന് വൈകിട്ട് നടത്തിയ വാര്ത്താ സമ്മേളനത്തിലൂടെയാണ് മുഖ്യമന്ത്രി ഇക്കാര്യം അറിയിച്ചത്.
ബാര്ബര് ഷോപ്പുകള് ആഴ്ചയില് ഒന്നോ രണ്ടോ ദിവസം തുറക്കുന്നതിന് നേരത്തെ ഉദ്ദേശിച്ചിരുന്നു. എന്നാല് അതുമായി ബന്ധപ്പെട്ട് ഒട്ടേറെ വ്യത്യസ്ത അഭിപ്രായങ്ങള് പല ഉണ്ടായി. ബാര്ബര് ഷോപ്പുകള് തുറന്നതുമായി ബന്ധപ്പെട്ട പലരാജ്യങ്ങളുടെയും അനുഭവങ്ങള് പങ്കുവയ്ക്കപ്പെട്ടു. ഈ വിഷയത്തില് വിശദമായ പരിശോധന ആവശ്യമാണ്. ഇക്കാരണത്താല് ഇനിയൊരു അറിയിപ്പുണ്ടാകുന്നത് വരെ സംസ്ഥാനത്തെ ബാര്ബര് ഷോപ്പുകള് തുറക്കാന് അനുവദിക്കില്ല. മുഖ്യമന്ത്രി പറഞ്ഞു.