ബ്രിട്ടീഷ് പ്രധാനമന്ത്രി ബോറിസ് ജോണ്‍സന്റെ ആരോഗ്യനില അതീവ ഗുരുതരം
ലണ്ടന്‍: കോവിഡ് സ്ഥിരീകരിച്ച ബ്രിട്ടീഷ് പ്രധാനമന്ത്രി ബോറിസ് ജോണ്‍സന്റെ ആരോഗ്യസ്ഥിതി ഗുരുതരമായി തുടരുന്നതിനാല്‍ വെന്റിലേറ്റര്‍ സഹായം തേടേണ്ടി വരുമെന്ന് റിപ്പോര്‍ട്ടുകള്‍.
കൊവിഡ് 19 ലക്ഷണങ്ങളെ തുടര്‍ന്ന് മാര്‍ച്ച്‌ 27 മുതല്‍ തന്നെ ബോറിസ് ജോണ്‍സണ്‍ ഐസൊലേഷനിലായിരുന്നു. ഡൗണിംഗ് സ്ട്രീറ്റിലെ വീട്ടില്‍ തന്നെയായിരുന്നു ഇദ്ദേഹം ഏകാന്തവാസത്തിലായിരുന്നത്. എന്നാല്‍ രോഗലക്ഷണങ്ങള്‍ മാറാതിരുന്ന സാഹചര്യത്തില്‍ ഇന്ന് ലണ്ടനിലെ സെന്റ് തോമസ് ആശുപത്രിയിലേക്ക് മാറ്റുകയായിരുന്നു.
ശ്വസനോപകരണത്തിന്റെ സഹായം ബോറിസ് ജോണ്‍സന് നല്‍കുന്നുണ്ട്. വൈകാതെ പൂര്‍ണമായ വെന്റിലേറ്റര്‍ സഹായം അദ്ദേഹത്തിന് വേണ്ടി വരുമെന്ന് ലണ്ടന്‍ യൂനിവേഴ്സിറ്റി കോളജിലെ മെഡിക്കല്‍ ഇമേജിങ് പ്രൊഫസര്‍ ഡെറക് ഹില്‍ പറഞ്ഞു.