സൗദിയില് മസ്ജിദുകള് അടച്ചിടും; ബാങ്ക് മാത്രം മുഴങ്ങും
ജിദ്ദ: മക്ക, മദീന ഹറമുകള് ഒഴികെ രാജ്യത്തെ മുഴുവന് പള്ളികളുടെയും കവാടങ്ങള് താല്ക്കാലികമായി അടച്ചിടും. പള്ളികളില്നിന്ന് അഞ്ചുനേരവും ബാങ്ക് മാത്രം മുഴങ്ങും. കോവിഡ് വ്യാപനം തടയുന്നതിനുള്ള മുന്കരുതലുകളുടെ ഭാഗമായി ഇരു ഹറമുകളില് ഒഴികെ രാജ്യത്തെ ബാക്കി മുഴുവന് പള്ളികളിലും ജുമുഅ, ജമാഅത്ത് നമസ്കാരങ്ങള് നിര്ത്തിവെക്കാന് സൗദി പണ്ഡിതസഭ തീരുമാനിച്ച പശ്ചാത്തലത്തിലാണ് നടപടി. മുതിര്ന്ന സൗദി പണ്ഡിതന്മാരുടെ സഭ ചൊവ്വാഴ്ച റിയാദില് യോഗം ചേര്ന്നാണ് ഇൗ തീരുമാനമെടുത്തത്. കോവിഡ്-19െന്റ നിലവിലെ സ്ഥിതിഗതിള് വിലയിരുത്തിയ ശേഷമാണ് രാജ്യത്തെ മുഴുവന് മേഖലകളിലേയും പള്ളികളിലെ ജമാഅത്ത്, ജുമുഅ നമസ്കാരങ്ങള് നിര്ത്തിവെക്കാന് തീരുമാനമെടുത്തത്.
ഇരുഹറമുകളെ തീരുമാനത്തില്നിന്ന് ഒഴിവാക്കി. വൈറസ് അതിവേഗം പകരുന്നതിെന്റ ഗൗരവം ചര്ച്ചയായി. ശക്തമായ മുന്കരുതല് നടപടികള് സ്വീകരിച്ചിട്ടില്ലെങ്കില് മനുഷ്യ ജീവന് വലിയ ഭീഷണിയാകുമെന്നും ആളുകള് ഒരുമിച്ചു കൂടുന്നത് രോഗപ്പകര്ച്ചക്ക് വലിയ കാരണമാകുമെന്നും വിവരിക്കുന്ന ആരോഗ്യ മന്ത്രിയുടെ റിപ്പോര്ട്ട് പണ്ഡിത സഭ പരിശോധിച്ചു. അഞ്ചുനേരവും ബാങ്ക് മുഴങ്ങും. ബാങ്കിനിടയില് ‘നമസ്കാരം വീടിനകത്ത് വെച്ച് നിര്വഹിക്കുക’ എന്ന് ആവശ്യപ്പെടും. ജുമുഅക്കു പകരം നാല് റക്അത്ത് ദുഹ്ര് നമസ്കാരമാണ് നിര്വഹിക്കേണ്ടതെന്നും തീരുമാനം ഖുര്ആനിെന്റയും നബിചര്യയുടെയും അടിസ്ഥാനത്തിലാണെന്നും പണ്ഡിത സഭ വ്യക്തമാക്കിയിട്ടുണ്ട്.