ഷൂട്ടിംഗ് ലൊക്കേഷനില്‍ ക്രെയിന്‍ മറിഞ്ഞ് മൂന്ന് പേര്‍ മരിച്ചു
ചെന്നൈ: കമല്‍ഹാസന്‍ അഭിനയിക്കുന്ന ചിത്രത്തിന്‍െറ ഷൂട്ടിങ് ലൊക്കേഷനില്‍ ക്രെയിന്‍ പൊട്ടിവീണുണ്ടായ അപകടത്തില്‍ മൂന്ന് പേര്‍ മരിച്ചു. പത്ത് പേര്‍ക്ക് പരിക്കേറ്റു. ഇന്ത്യന്‍ 2 സിനിമയുടെ ലോക്കേഷനിലാണ് അപകടമുണ്ടായത്.
സിനിമയുടെ സംവിധായകന്‍ ശങ്കറിനും അപകടത്തില്‍ പരിക്കേറ്റിട്ടുണ്ട്. അപകടം നടക്കുേമ്ബാള്‍ കമല്‍ഹാസനും സെറ്റിലുണ്ടായിരുന്നു.ചെന്നൈ നഗരത്തിന്‍െറ പ്രാന്തപ്രദേശമായ പൂനാമലയിലെ ഇ.വി.പി സ്റ്റുഡിയോയിലാണ് അപകടമുണ്ടായത്. 150 അടി ഉയരമുള്ള ക്രെയിനാണ് മറിഞ്ഞ് വീണത്. രാത്രി 9.30ഓടെയായിരുന്നു സംഭവം.അപകടത്തില്‍ മരിച്ച മൂന്ന് പേരും സാങ്കേതിക പ്രവര്‍ത്തകരാണ്.
സംവിധായകന്‍ ഷങ്കറിനും ഗുരുതര പരിക്കേറ്റതായി സ്ഥിരീകരിക്കാത്ത റിപ്പോര്‍ട്ടുകളുണ്ട്. കാലിനു നിരവധി ഒടിവുകളേറ്റ നിലയിലാണ് ഷങ്കറിനെ ആശുപത്രിയില്‍ എത്തിച്ചിരിക്കുന്നതെന്നാണു റിപ്പോര്‍ട്ടുകള്‍ പറയുന്നത്.